Phone Cover : చాలా మంది తమ మొబైల్ ఫోన్ కవర్లో ఏదో ఒకటి పెడుతుంటారు. కొందరు డబ్బులు, మరికొందరు ముఖ్యమైన కాగితాలు, పిన్నులు, సిమ్ కార్డులు లేదా చిన్న రసీదులు దాస్తుంటారు. ఇలా చేస్తే అవసరమైనవి ఎప్పుడూ చేతి దగ్గరే ఉంటాయని, పోగొట్టుకునే భయం ఉండదని అనుకుంటారు. కానీ ఇలా చేయడం మీ ప్రాణాలకే ప్రమాదం తెచ్చిపెట్టే అవకాశం ఉంది. మీరు భారీగా నష్టపోవడమే కాకుండా, మీ స్మార్ట్ఫోన్ బాంబులా పేలిపోయే ఛాన్స్ కూడా ఉంది. ఫోన్లో కేవలం పది రూపాయల నోటు పెట్టుకోవడం కూడా ఎంత ప్రమాదకరమో తెలుసుకుందాం.
Also Read : సెల్ఫోన్ల రికవరీతో తెలంగాణ తోపు.. దేశంలో రెండో స్థానం!
మీరు ఫోన్ కవర్కు, వెనుక ప్యానెల్కు మధ్యలో నోటు లేదా కాగితం పెట్టినప్పుడు, అది ఫోన్ వేడెక్కడాన్ని మరింత పెంచుతుంది. ఫోన్ను ఛార్జింగ్ చేసేటప్పుడు లేదా ఎక్కువసేపు వాడినప్పుడు అది వేడెక్కుతుంది. అలాంటి సమయంలో కవర్లో పెట్టిన కాగితం లేదా నోటు వేడిని మరింత పెంచేస్తుంది. దీని వల్ల బ్యాటరీ ఓవర్హీట్ అయ్యి ఒక్కోసారి పేలిపోయే ప్రమాదం కూడా ఉంది. ఒకవేళ ఫోన్లో మంటలు వస్తే లేదా బ్యాటరీ పేలితే, మీ ఫోన్ పాడవ్వడమే కాకుండా, దానిలో పెట్టిన డబ్బులు, సిమ్ కార్డు లేదా ముఖ్యమైన డాక్యుమెంట్లు కూడా కాలిపోతాయి. దీని వల్ల మీకు వేల రూపాయల నష్టం వాటిల్లవచ్చు.
ఫోన్లో పేలుడు సంభవించడానికి చాలా కారణాలు ఉండవచ్చు. కానీ వాటిలో ముఖ్యమైనది ఫోన్ కవర్లో నోటు లేదా ఏదైనా వస్తువు పెట్టడం. మీరు ఫోన్ను నిరంతరం ఉపయోగిస్తున్నప్పుడు లేదా ఛార్జింగ్లో పెట్టి వాడుతున్నప్పుడు అది వేడెక్కడం సహజం. ఇప్పుడు మీరు దాని కవర్లో డబ్బులు లేదా కాగితాలు పెట్టి ఉంచితే, ఫోన్కు చల్లబడటానికి సరైన చోటు ఉండదు. దీని కారణంగా ఫోన్ మరింత వేడెక్కి, ఓవర్హీటింగ్ వల్ల పేలిపోయే ప్రమాదం పెరుగుతుంది.
కొన్నిసార్లు మీ ఫోన్ కవర్ మందంగా ఉంటుంది. దానిపై మీరు డబ్బులు కూడా పెడితే, వైర్లెస్ ఛార్జింగ్లో కూడా సమస్యలు రావచ్చు. అంతేకాదు, ఫోన్ కవర్లో నోటు పెట్టడం వల్ల నెట్వర్క్ సమస్యలు కూడా వచ్చే అవకాశం ఉంది. పైన చెప్పిన విషయాలన్నింటినీ తప్పకుండా గుర్తుంచుకోండి. మీ స్మార్ట్ఫోన్ ఎక్కువ కాలం మీతో మన్నాలంటే.. ఫోన్లో డబ్బులు, చీటీలు వంటివి ఏమీ పెట్టకండి. అలాగే, ఛార్జింగ్ చేసేటప్పుడు ఫోన్ను వాడడం కూడా మానుకోండి.
Also Read : అతిగా ఫోన్ వాడుతున్నారా? అయితే డేంజర్ లో ఉన్నట్టే?
