రేవంత్ రెడ్డి, కోమటిరెడ్డి మధ్య పోటీ తీవ్రంగా ఉండటంతో మధ్యే మార్గంగా మరో వ్యక్తిని పీసీసీ చీఫ్ గా నియమిస్తారనే ప్రచారం జోరందుకుంది. గతంలో ఎమ్మెల్సీ జీవన్ రెడ్డి పీసీసీ అధ్యక్షుడిగా నియమిస్తారనే ప్రచారం జరగడంతో ఆయన విముఖత ప్రకటించారు. దీంతో ఇప్పుడు వేరే నాయకుడి వేటలో పడింది. తాజాగా మంథని ఎమ్మెల్యే శ్రీధర్ బాబు పేరు ప్రముఖంగా వినిపిస్తోంది.
ఆయన కూడా పదవి చేపట్టేందుకు అంగీకరించినట్లుగా తెలుస్తోంది. దీంతో అధిష్టానం ఏ నిర్ణయం తీసుకుంటుందోనని ఎదురుచూస్తున్నారు.
అయితే కేసీఆర్ దూకుడుకు కళ్లెం వేసే నాయకుడు కావాలని కాంగ్రెస్ పార్టీ కార్యకర్తలు ఆశిస్తున్నారు. దీంతో అధిష్టానం ఈ విషయంలో ఏ నిర్ణయం తీసుకోలేక వాయిదా వేస్తూ వస్తోంది.
కేసీఆర్ కు ప్రత్యామ్నాయం అయ్యే నాయకుడికైతే పార్టీ భవిష్యత్తు బాగుంటుందని పలువురు కార్యకర్తల అభిప్రాయం. లేకపోతే పార్టీపై ఆశలు వదిలేసుకోవడమేనని చెబుతున్నారు. పార్టీని గాడిన పెట్టే వారైతే కోల్పోయిన పూర్వ వైభవం తిరిగి వస్తుందని ఆశిస్తున్నారు. దీంతో పార్టీ ఎవరికి మద్దతు పలికి పదవి కట్టబెడుతుందోనని వేచి చూడాల్సిందే.
