Mayank Gandhi : 25 ఏళ్ల మయాంక్ గాంధీ, తన అసాధారణ సైబర్ నైపుణ్యంతో పాకిస్థాన్కు సవాల్ విసిరారు. సరిహద్దుల్లో పాక్ సైనికుల కవ్వింపు చర్యల నేపథ్యంలో, మయాంక్ కేవలం మూడు నిమిషాల్లో 40కి పైగా పాకిస్థాన్ వెబ్సైట్లను హ్యాక్ చేసి, భారతదేశ సైబర్ శక్తిని చాటారు. ఈతని సైబర్ యుద్ధ వీరత్వం దేశవ్యాప్తంగా ప్రశంసలు అందుకుంటోంది.
సైబర్ రక్షణకు కొత్త ఒరవడి
2021లో మయాంక్ స్థాపించిన TMG సెక్యూరిటీ, సైబర్ సెక్యూరిటీ రంగంలో విప్లవాత్మక మార్పులు తీసుకొచ్చింది. భారతదేశంలో ఖరీదైన సైబర్ సెక్యూరిటీ విద్యను సరసమైన ధరల్లో అందరికీ అందుబాటులోకి తెచ్చే లక్ష్యంతో మయాంక్ ఈ స్టార్టప్ను ప్రారంభించారు. బ్యాంకులు, ఫిన్టెక్ సంస్థలకు సేవలు అందిస్తూ, 300కు పైగా సంస్థల సైబర్ భద్రతను బలోపేతం చేశారు. ఆయన నిర్వహించే శిక్షణా కార్యక్రమాలు లక్షలాది మంది విద్యార్థులకు హ్యాకింగ్, బగ్ బౌంటీ, పెనిట్రేషన్ టెస్టింగ్లో నైపుణ్యం సాధించే అవకాశం కల్పిస్తున్నాయి.
Also Read : మీకు మిగిలింది బ్యానర్లే.. పాక్ ప్రధాని చెడుగుడు ఆడుకున్న ఇండియన్ జర్నలిస్ట్!
ఎథికల్ హ్యాకింగ్తో దేశ రక్షణ..
2016లో హాబీగా ప్రారంభమైన మయాంక్ గాంధీ హ్యాకింగ్ జర్నీ, నీతిగల హ్యాకర్గా ఆయన్ను ఆసియాలోనే టాప్-10 హ్యాకర్లలో ఒకరిగా నిలిపింది. స్థానిక పోలీసులతో కలిసి సైబర్ నేరాలను అరికట్టడంలో ఆయన సహకరించారు. పాకిస్థాన్ వెబ్సైట్లపై ఆయన చేసిన హ్యాకింగ్, భారతదేశ సైబర్ యుద్ధ సామర్థ్యాన్ని ప్రపంచానికి చాటింది. ఈ చర్యలు దేశ రక్షణలో సైబర్ నైపుణ్యాల పాత్రను హైలైట్ చేశాయి.
సైబర్ భవిష్యత్తుకు పునాది
మయాంక్ గాంధీ లక్ష్యం కేవలం హ్యాకింగ్తో ఆగిపోలేదు. సైబర్ భద్రతను అందరికీ అందుబాటులోకి తీసుకొచ్చేందుకు ఆయన నిరంతరం కృషి చేస్తున్నారు. TMG సెక్యూరిటీ ద్వారా ఆయన స్టార్టప్లకు మద్దతు ఇస్తూ, సైబర్ రంగంలో ఆవిష్కరణలను ప్రోత్సహిస్తున్నారు. ఆయన స్ఫూర్తితో యువత సైబర్ సెక్యూరిటీ వైపు ఆకర్షితమవుతోంది.
