Kanika Arora UAE Big Ticket Lottery: శీర్షిక చదివారు కదా.. ఇంకా చెప్పాల్సిందేముంది.. అదృష్టం అంటే ఎలా ఉంటుందో.. ధనలక్ష్మి తలుపు తడితే ధన ప్రవాహం ఎలా సాగుతుందో.. ప్రత్యేకంగా చెప్పాల్సిన అవసరం లేదు కదా. 11000 పెడితే ఒకటి కాదు రెండు కాదు 65 కోట్లు వచ్చాయి. ఇదేదో పదిమందిని మోసం చేస్తే వచ్చిన డబ్బు కాదు. మాయమాటలు చెప్పి ముంచేస్తే వచ్చిన డబ్బు కాదు. సహనాన్ని నమ్ముకుని.. ఓపికను ప్రదర్శించి.. సానుకూల దృక్పథాన్ని అలవర్చుకుంటే వచ్చింది.
ఆమె పేరు కనిక అరోరా. వివాహమైంది. భర్తతో కలిసి ఢిల్లీలో నివాసం ఉంటున్నది. ఈమె భర్త ఓ ప్రవేట్ సంస్థలో పనిచేస్తూ ఉంటాడు. మధ్యతరగతి కుటుంబం. ఎన్నో ఆశలు ఉన్నాయి. మరి ఎన్నో ఆకాంక్షలు ఉన్నాయి ఈమెకు. కాకపోతే ఆర్థిక నేపథ్యం సరిపోవడం లేదు కాబట్టి ఆశలను, ఆకాంక్షలను వాయిదా వేసుకుంటూ వస్తున్నది. ఈ నేపథ్యంలో ఆమెకు యూ ట్యూబ్ ద్వారా యూఏఈ బిగ్ టికెట్ లాటరీ గురించి తెలిసింది. దీంతో ఆ విషయాన్ని తన భర్తకు చెప్పింది.. ప్రతినెల బిగ్ టిక్కెట్ లాటరీ లో 11000 పెట్టి కనికా టికెట్ కొనుగోలు చేసేది. అయితే ప్రతి సందర్భంలో తన భర్త పేరు మీద మాత్రమే ఆమె టికెట్ కొనుగోలు చేసేది. ఈసారి తన పేరు మీద టికెట్ కొనుగోలు చేసింది.. దాని గురించి మర్చిపోయింది.. మొత్తానికి వారి సహనానికి.. వారి ఓపికకు ప్రతిఫలం లభించింది. కనిక కొనుగోలు చేసిన టికెట్ కు లాటరీ తగిలింది. అది కూడా తీగంగా 65 కోట్లు. ఈ విషయాన్ని కనిక భర్త చెప్పడంతో ఆమె ఆనందానికి అవధులు లేకుండా పోయాయి.
“ప్రతి నెల టికెట్ రిలీజ్ కాగానే కొనుగోలు చేస్తున్నాం. ప్రతి నెలలో కూడా నా భర్త పేరు మీద టికెట్ కొనుగోలు చేసేవాళ్లం. అయితే ఈసారి నా పేరు మీద టికెట్ కొనుగోలు చేశాం. ఊహించని విధంగా లాటరీ తగిలింది. ఆ లాటరీలో నా పేరు వచ్చింది. కొత్తగా 65 కోట్లు గెలుచుకున్నామని నా భర్త చెప్పగానే ఆనందంగా అనిపించింది. ఈ డబ్బుతో చాలా కలలు నెరవేర్చుకోవాలి. చాలా ఆకాంక్షలను నిజం చేసుకోవాలని ఉంది. ఈ డబ్బులో చాలా భాగం భవిష్యత్తు అవసరాలను దృష్టిలో పెట్టుకొని పెట్టుబడులు పెడతాం. కొంతమేర ఖరీదైన ఇల్లు కొనుగోలు చేస్తాం. బంగారం ఇతర వస్తువులు కూడా కొనుగోలు చేసుకోవాలి. సేవ కార్యక్రమాలు కూడా జరపాలని ఉంది. ఇవన్నీ కూడా ఎప్పటినుంచో అనుకున్నాం. కాకపోతే ఇప్పుడు డబ్బు వచ్చింది కాబట్టి ఈ పనులు మొత్తం చేయాల్సి ఉందని” కనిక చెప్పింది.
యూఏఈ లో బిగ్ టికెట్ లాటరీ కి మంచి పేరు ఉంది. అక్కడి ప్రభుత్వం దీనిని నిర్వహిస్తూ ఉంటుంది. ప్రతినెల కూడా లాటరీ తీసి విజేతను ప్రకటిస్తూ ఉంటుంది. ఇదంతా కూడా యూట్యూబ్ వేదికగా జరుగుతూ ఉంటుంది. యూట్యూబ్ లోనే ఆ లాటరీ టికెట్ నెంబర్ ను నిర్వాహకులు బయట పెడతారు. తద్వారా విజేతలను ప్రకటిస్తారు. అయితే ఈ లాటరీ టికెట్ కోసం ప్రపంచ వ్యాప్తంగా విపరీతంగా డిమాండ్ ఉంటుంది. పైగా ప్రైజ్ మనీ కూడా భారీగా ఉండడంతో చాలామంది తమ అదృష్టాన్ని పరీక్షించుకుంటూ ఉంటారు. అయితే ఈ నెలలో కనికకు ఆ అదృష్టం లభించింది. అది కూడా 65 కోట్ల రూపాయల అదృష్టం.
