ఆనందయ్య మందు తయారీ దిశగా జగన్ ప్రభుత్వం?

కరోనా కల్లోలం వేళ జగన్ సర్కార్ మరో సంచలన నిర్ణయం దిశగా అడుగులు వేస్తున్నట్టుగా తెలుస్తోంది. కరోనాకు మెడిసిన్ లేకపోవడం.. వ్యాక్సిన్ అందుబాటులో లేకపోవడంతో జగన్ సర్కార్ ఇటీవల నెల్లూరు జిల్లాలో కృష్ణపట్నంలో వెలుగుచూసిన ఆయుర్వేద మందును ఉత్పత్తి చేసి ప్రజలకు పంచాలని యోచిస్తున్నట్టుగా సమాచారం. నెల్లూరు జిల్లాలోని కృష్ణపట్నంలో ఆయుర్వేద వైద్యుడు బోనిగే ఆనందయ్య తయారు చేసిన ఆయుర్వేద ఔషధాన్ని పంపిణీ చేయడానికి జగన్ సర్కార్ యోచిస్తోంది. అన్ని సానుకూల నివేదికలు వచ్చేవరకు వేచిచూడకుండా ముందే అనుమతి ఇవ్వడానికి జగన్ మోహన్ రెడ్డి ప్రభుత్వం జాగ్రత్తగా ఉంది.

ఇప్పటికే వైసీపీ ఎమ్మెల్యేలు ఆనందయ్య మందుకు సత్వర అనుమతి ఇవ్వాలని డిమాండ్ చేస్తున్నారు. తద్వారా కృష్ణపట్నం ఆయుర్వేద ఔషధం ప్రజలలో పంపిణీ చేసినందుకు జగన్ సర్కార్ కూడా సిద్ధమవుతున్నట్టు తెలుస్తోంది.దీనివల్ల ప్రజల్లో జగన్ సర్కార్ కు కొంత క్రెడిట్ లభిస్తుంది. మైలేజ్ లభిస్తుంది.

సర్వపల్లి ఎమ్మెల్యే కాకాని గవర్ధన్ ఆయుర్వేద ఔషధం సామూహిక పంపిణీని మొదట ప్రారంభించారు. కోవిడ్ -19 ఆంక్షలను పట్టించుకోకుండా వేలాది మంది ప్రజలు ఔషధం పొందడానికి గ్రామానికి తరలివచ్చారు. తత్ఫలితంగా, ఆయుష్ విభాగం.. ఇతర ఏజెన్సీలతో సహా అన్ని రెగ్యులేటర్ల నుండి ఈ ఔషధం ఆమోదం పొందే వరకు ప్రభుత్వం నిలుపుదల చేయించింది. పంపిణీని ఆపేసింది.. ఆనందయ్యను పోలీసు పర్యవేక్షణలో ఉంచారు.

తాజాగా చంద్రగిరికి చెందిన మరో వైయస్ఆర్సి ఎమ్మెల్యే చెవిరెడ్డి భాస్కర్ రెడ్డి, ఈ ఔషధ పంపిణీ యుద్ధ ప్రాతిపదికన పంచుతామని ప్రకటించారు. కేంద్ర ఆయుష్ మంత్రిత్వ శాఖ నివేదిక కోసం రాష్ట్ర ప్రభుత్వం ఎదురుచూస్తోందని ఆయన అన్నారు. “కేంద్రం నుండి అనుమతి పొందిన వెంటనే, ఆనందయ్య ఔషధం యుద్ధ ప్రాతిపదికన పంపిణీ చేయబడుతుంది” అని చెవిరెడ్డి చెప్పారు. కేంద్రం అనుమతి ఇస్తే కృష్ణపట్నం ఔషధం తయారీని రాష్ట్ర ప్రభుత్వం స్వయంగా తీసుకుంటుందని చెవిరెడ్డి తెలిపారు. “తిరుపతిలోని శ్రీ వెంకటేశ్వర ఇన్స్టిట్యూట్ ఆఫ్ మెడికల్ సైన్సెస్ ఫార్మసీ ల్యాబుల్లో ఈ ఔషధ తయారీకి మేము చర్యలు తీసుకుంటున్నాము. ఆమోదం పొందిన వెంటనే ఇది ప్రారంభమవుతుంది ”అని చెవిరెడ్డి ప్రకటించారు.

లక్షలాది మంది ప్రజలు ఈ మందు కోసం ఎదురుచూస్తున్నారని..అన్ని ఆమోదాలు పొందిన తర్వాత, ఎంతమంది రోగులకు పంపిణీ చేయడానికి ప్రభుత్వం సిద్ధంగా ఉందని చెవిరెడ్డి అన్నారు.