Indian rupee : ద్రవ్యోల్బణాన్ని అదుపు చేసేందుకు అమెరికా ఫెడరల్ రిజర్వ్ బ్యాంకు వడ్డీరేట్లను పెంచింది. దీంతో అన్ని దేశాల కరెన్సీలు పడిపోయాయి. అమెరికన్ డాలర్ తో రూపాయి మరకం విలువ కూడా చరిత్రలోనే అత్యధిక స్థాయికి చేరింది. అమెరికా ద్రవ్య విధాన వైఖరితో డాలర్ రాకెట్ లా పైకి దూసుకెళ్లింది. దీంతో 2022లో భారత రూపాయి 10.14% పతనంతో అత్యంత దారుణంగా పడిపోయిన ఆసియా కరెన్సీగా నిలిచింది. 2013 తర్వాత దాని అతిపెద్ద వార్షిక క్షీణతగా రూపాయి పడిపోయింది.
రూపాయి అమెరికా కరెన్సీతో 82.72 వద్ద సంవత్సరాన్ని ముగించింది. 2021 చివరి నాటికి 74.33 ఉండగా.. ఇప్పుడు మరింతగా పడిపోయింది. అయితే డాలర్ ఇండెక్స్ 2015 నుండి దాని అతిపెద్ద వార్షిక లాభం వైపు పయనిస్తోంది.
రష్యా-ఉక్రెయిన్ వివాదం కారణంగా చమురు ధరల ర్యాలీకి రూపాయి కూడా ఒక బాధితుడిగా మారింది. ఇది సెప్టెంబర్ త్రైమాసికంలో భారతదేశం యొక్క కరెంట్ ఖాతా లోటును రికార్డు స్థాయికి నెట్టింది. 2023 నాటికి మార్కెట్ పార్టిసిపెంట్లు రూపాయి విలువ పెరుగుదల మరింతగా ఉంటుందని.. విదేశీ పెట్టుబడిదారులు భారతీయ ఈక్విటీలను కొనుగోలు చేయడం కొనసాగించవచ్చని భావిస్తున్నారు.
ఫెడ్ ఊహించిన దానికంటే ఎక్కువ కాలం రేట్లు ఉంచవచ్చు. అభివృద్ధి చెందిన ఆర్థిక వ్యవస్థల మందగమనం దీర్ఘకాలిక మాంద్యంగా మారితే, భారతదేశ ఎగుమతులు తీవ్రంగా దెబ్బతింటాయి. ఇవి రూపాయికి రెండు కీలక ప్రమాదాలుగా మారుతాయి. చాలా మంది వ్యాపారులు.. విశ్లేషకులు కరెన్సీ మొదటి త్రైమాసికంలో గట్టి 81.50-83.50 శ్రేణి మధ్య కదులుతుందని భావిస్తున్నారు.
కానీ 2023కి వెళ్లే అనేక అనిశ్చితులను పరిగణనలోకి తీసుకుంటే, కఠినమైన ద్రవ్య విధాన పరిస్థితులు, కొన్ని ఆర్థిక వ్యవస్థలలో మాంద్యం కొనసాగుతున్న వేళ షేర్ మార్కెట్ల దిశను అంచనా వేయడం కష్టమని నిపుణులు అంటున్నారు.
రూపాయి విలువ పెరిగినప్పటికీ, ఇది ఇప్పటికీ ఆసియా సహచరుల దేశాల కంటే రూపాయి విలువ బలంగానే ఉంది.. అయితే అన్ని దేశాల కంటే కూడా వేగంగా పతనమైంది. అయినప్పటికీ అభివృద్ధి చెందుతున్న మార్కెట్ కాంప్లెక్స్లో అగ్ర ఎంపిక కాకుండా ఉంది. మనకంటే దక్షిణ కొరియా వాన్ , థాయ్ బాట్ మన రూపాయి విలువ కంటే తక్కువనే ఉండడం గమనార్హం.
