Mumbai : వర్షాలకు ముంబై నగరం అతలా కుతలం.. అంత ఎత్తుకు ఎగిసిపడుతున్న అలలు.. మరెన్ని రోజులు వర్షం ఉండబోతోందంటే?

Follow us on

Mumbai :  వర్షాకాలం వచ్చింది. రుతుపవణాలు వేగంగా కదులుతున్నాయి. దీంతో తుఫాన్లు ఏర్పడి దేశం అంతా విస్తారంగా వర్షాలు కురుస్తున్నాయి. ఆర్థిక రాజధాని అయిన ముంబై కూడా వర్షాలకు అతలా కుతలం అవుతోంది. వరుసగా ఐదు రోజులుగా వర్షాలు కురుస్తూనే ఉన్నాయి. అందులో ఆదివారం, సోమవారం రెండు రోజుల పాటు ముంబై నగరం వర్షంతో తడిసి ముద్దయింది. సమీపంలోని సముద్ర తీరంలో అలలు ఆకాశాన్ని అంటుతున్నాయా? అన్నంత ఎత్తున ఎగిసిపడుతున్నాయి. ఎడతెరిపి లేకుండా కురుస్తున్న వర్షాలకు పలు ప్రాంతాలు జలమయం కావడంతో పాటు ప్రజా రవాణాకు తీవ్ర అంతరాయం ఏర్పడి నగరం స్తంభించింది. వరుసగా ఐదో రోజు కూడా వాన కురుస్తుండడంతో వాతావరణ శాఖ సోమవారం ముంబై, దాని పరిసర ప్రాంతాలకు ‘యల్లో’ హెచ్చరికలు జారీ చేసింది.

ఎల్టీటీ-ఎంఏయూ ఎక్స్ ప్రెస్ ను రీషెడ్యూల్ రైల్వే అధికారులు రీ షెడ్యూల్ చేశారు. సెంట్రల్ రైల్వే ‘ఎల్టిటి-ఎంఎయు ఎక్స్ ప్రెస్ రైల్ నెం. 15182’తో రీషెడ్యూల్ చేసింది.

నేవీ ముంబైలో సీవుడ్స్ దృశ్యాలను పలువురు యూజర్లు పోస్ట్ చేశారు. ముందస్తు ప్రణాళికలో ఉన్న నగరం అయినప్పటికీ భూమికి 40-50 సెంటీమీటర్ల ఎత్తులో వేసిన డ్రైనేజీ పైపుల కారణంగా రోడ్లు జలమయమయ్యాయి.

ముంబై, సింధుదుర్గ్, థానే, పాల్ఘర్ ప్రాంతాల్లో భారీ వర్షాలు కురుస్తాయని వాతావరణ శాఖ (ఆర్ఎంసీ) యల్లో అలర్ట్ జారీ చేసింది. మరోవైపు మహారాష్ట్రలోని రాయ్ గఢ్, రత్నగిరి, సతారా జిల్లాల్లో భారీ వర్షాలకు ఆరెంజ్ అలర్ట్ ప్రకటించారు.

ఎల్టీటీ – ఎంఏఎస్ ఎక్స్ ప్రెస్ ను రైల్వే శాఖ రీషెడ్యూల్ చేసింది. రైలు నెం. 22179తో ‘ఎల్టీటీ – మాస్ ఎక్స్ ప్రెస్’ను సెంట్రల్ రైల్వే రీషెడ్యూల్ చేసింది. 12 గంటల్లో కురిసిన భారీ వర్షాలతో ముంబైలోని పలు ప్రాంతాలు జలమయం అయ్యాయి.

‘ముంబైలో వర్షపాతం పెరుగుతుంది. ఈ రాత్రి వరకు, రాబోయే రోజుల్లో మరిన్ని వర్షాలు కురిసే అవకాశం ఉంది. ఎయిరోప్లేన్ స్థితిగతులు తెలుసుకునేందుకు http://bit.ly/3DNYJqj ను క్లిక్ చేయాలని ఇండిగో ఎయిర్ లైన్స్ ఎక్స్ లో ఒక పోస్ట్ లో తెలిపింది.

సాయంత్రం వరకు ముంబై పరిసర ప్రాంతాల్లో మోస్తరు వర్షాలు కురిసే అవకాశం ఉందని ఐఎండీ తెలిపింది.

రైళ్ల రీ షెడ్యూల్, క్యాన్సిల్, తదితర విషయాలను తెలుసుకునేందుకు ఇండియన్ రైల్వే ‘మాన్ సూన్ అప్ డేట్స్’ పేరుతో వివరించింది.

వాసాయ్ (పాల్ఘర్), థానే, ఘట్కోపర్, పొవాయ్, మహద్ (రాయ్‌గఢ్), ఖేడ్ అండ్ చిప్లూన్ (రత్నగిరి), కుడాల్ (సింధుదుర్గ్), కొల్హాపూర్, సాంగ్లీ, సతారా ప్రాంతాల్లో ఎన్డీఆర్ఎఫ్ బృందాలను ముందస్తుగా మోహరించామని, ముంబైలో మూడు బృందాలు, నాగ్‌పూర్ లో ఒక బృందాన్ని సాధారణంగా మోహరించామని జాతీయ విపత్తు ప్రతిస్పందన దళం (ఎన్డీఆర్ఎఫ్) తెలిపింది.

లోతట్టు ప్రాంతాలు, కొండచరియలు విరిగిపడే ప్రాంతాల్లో అత్యవసర ప్రతిస్పందన కోసం బృందాలు అప్రమత్తంగా ఉన్నాయని రెస్పాన్స్ ఫోర్స్ తెలిపింది.

బృహన్ ముంబై మున్సిపల్ కార్పొరేషన్ (బీఎంసీ) ఎక్స్ లో ఒక పోస్ట్ లో ‘నగరం, శివారు ప్రాంతాల్లో భారీ నుంచి అతి భారీ వర్షం. అక్కడక్కడా భారీ వర్షాలు కురిసే అవకాశం ఉందన్నారు. మధ్యాహ్నం 12.50 గంటలకు 4.59 మీటర్ల ఎత్తులో అలలు ఎగసిపడే అవకాశం ఉందని తెలిపింది.

ముంబై ప్రజలు మరికొన్ని జాగ్రత్తగా ఉండాలని ముంబై మున్సిపల్ కార్పొరేషన్ (బీఎంసీ) హెచ్చరికలు జారీ చేసింది. ఐదు రోజులకు తోడు మరికొన్ని రోజులు కూడా వర్షాలు కురిసే అవకాశాలు ఉన్నాయని వాతావరణ శాఖ హెచ్చరికలు జారీ చేస్తుందని, కాబట్టి ప్రజలు తగిన జాగ్రత్తలు తీసుకోవాలని సూచించారు.