Donkey Route : రాజ్కుమార్ హిరానీ దర్శకత్వంలో షారుఖ్ ఖాన్ నటించిన చిత్రం ‘డుంకీ’గురించి ప్రత్యేకంగా చెప్పాల్సిన పనిలేదు. ప్రేక్షకులకు కనెక్ట్ అయ్యేలా హిరానీ తన ప్రతి సినిమాలోనూ ఏదో ఒక ఎమోషనల్ పాయింట్ని టచ్ చేస్తుంటాడు. ‘డంకీ’లో అటువంటి కీలక అంశం ‘డంకీ రూట్’ (దీనినే గాడిద మార్గం అని కూడా అంటారు). గతేడాది డిసెంబర్ 21న థియేటర్లలో విడుదలైంది. ఈ సినిమాలో ‘డాంకీ రూట్’ ఏంటి అనే సందేహాలు కూడా మొదలయ్యాయి. భారత్ నుంచి అమెరికా, యూకే, కెనడా వంటి విదేశాలకు వెళ్లాలనుకునే వారికి ఇది మార్గంగా నిలుస్తోంది. కానీ ఈ మార్గంలో ప్రయాణించడం చట్టవిరుద్ధం. డాంకీ అంటే గాడిద. అయితే ఈ మార్గానికి గాడిదలకు ఎలాంటి సంబంధం లేదు. ఆ మార్గంలో ప్రయాణించాలంటే గాడిదలా పని చేయాల్సి ఉంటుంది. అందుకే దీనిని గాడిద మార్గం అని పిలుస్తారు. స్థానికులు దీనిని ‘డంకీ’ అని పిలుస్తారు.
పంజాబ్, హర్యానా, గుజరాత్ వంటి రాష్ట్రాల నుండి చాలా మంది యువకులు ఈ డాంకీ రూట్ ద్వారా విదేశాలకు వెళ్ళడానికి ప్రయత్నిస్తున్నారు. అయితే అది అంత సులభం కాదు. చాలా రోజులు తిండిలేక నడవాల్సిన పరిస్థితులు ఉన్నాయి. దట్టమైన అడవులు, చెరువులు, నదుల గుండా ప్రయాణించాలి. ఎందుకంటే అలాంటి మార్గాల్లో అధికారులు ఉండరు. ఇది చట్టవిరుద్ధమైనది. చాలా ప్రమాదకరమైనది అయినప్పటికీ, ఈ డాంకీ రూట్ యువతలో చాలా ప్రసిద్ధి చెందింది. చాలా మంది యువత తమ అమెరికా కలలను నిజం చేసుకోవడానికి ఇప్పటికే ఈ మార్గాన్ని అనుసరించారు. వేరే దేశానికి వెళ్లాలని అనుకున్నప్పుడు విమానంలో వెళ్లాలని చాలా మంది అనుకుంటారు. కానీ కొంతమంది దీని కోసం డాంకీ రూట్ అనే చాలా ప్రమాదకరమైన పద్ధతిని అవలంబిస్తారు. చాలా మంది డాంకీ రూట్ ద్వారా అమెరికాలోకి అక్రమంగా ప్రవేశించడానికి ప్రయత్నిస్తారు. ఈ మార్గం చాలా దేశాల గుండా వెళుతుంది. చివరకు అమెరికాకు చేరుకుంటుంది. ఇది చాలా ప్రమాదకరమైన మార్గంగా కూడా పరిగణించబడుతుంది. ఈ మార్గం ద్వారా అమెరికా చేరుకోవడానికి ఎవరైనా కాలినడకన ద్వారా వెళ్లాల్సిందే.
డాంకీ రూట్ అంటే ఏమిటి?
ఇప్పుడు ఈ డాంకీ రూట్ ఏమిటి.. ఇంత ప్రమాదకరమైనదిగా ఎందుకు పరిగణించబడుతుందనే దాని గురించి తెలుసుకుందాం. ఇది ఒక విధంగా విదేశాలకు వెళ్ళడానికి వెనుక ద్వారం. చట్టబద్ధంగా ఏ దేశానికి వెళ్లేందుకు అనుమతి లభించని లేదా ఆ దేశానికి నేరుగా వీసా లభించని అలాంటి వ్యక్తులు ‘డాంకీ రూట్’ ద్వారా తమ గమ్యస్థానాన్ని చేరుకోవడానికి ప్రయత్నిస్తారు. ఉదాహరణకు, ఒక వ్యక్తి అమెరికాకు వెళ్లాలనుకుంటే ,నేరుగా అమెరికాకు వీసా పొందకపోతే, అతను అమెరికాకు వెళ్లడం సులభం అయిన దేశం నుండి వీసా పొందవచ్చు. చట్టవిరుద్ధంగా ప్రవేశించవచ్చు.
అమెరికా డాంకీ రూట్ అంటే ఏమిటి?
అమెరికాకు డాంకీ రూట్ ముఖ్యంగా గ్వాటెమాల, హోండురాస్, నికరాగ్వా వంటి దేశాల గుండా వెళుతుంది. ఈ మార్గం చాలా కష్టం. అమెరికా చేరుకోవడానికి ప్రజలు ఈ మార్గం గుండా సుదీర్ఘమైన, ప్రమాదకరమైన ప్రయాణాన్ని కొనసాగిస్తారు. ఈ మార్గంలో హైవే లేదా సులభమైన మార్గం ఉండదు, దీని కారణంగా ప్రజలు వారి ప్రయాణంలో అనేక ఇబ్బందులు ఎదుర్కొంటారు.
కొన్నిసార్లు కాలినడకన, కొన్నిసార్లు ట్రంక్లో ప్రయాణించాల్సి ఉంటుంది
డాంకీ రూట్ చట్టవిరుద్ధం, అందువల్ల చొరబాటుదారుల ప్రయాణ సాధనాలు కూడా చట్టవిరుద్ధం. ఈ మార్గంలో ప్రజలు కొన్నిసార్లు కాలినడకన, కొన్నిసార్లు కారు ట్రంక్లో, కొన్నిసార్లు రవాణా ట్రక్ లేదా కార్గో షిప్లో దాక్కుని తమ గమ్యాన్ని చేరుకోవడానికి ప్రయత్నిస్తారు. ఈ పద్ధతి ఖరీదైనది మాత్రమే కాదు, ప్రాణాంతకం, చాలా అలసిపోతారు. ఇలాంటి అక్రమ వలసదారులు చాలాసార్లు డాంకీ రూట్ లో తీవ్రవాదుల చేతుల్లోకి వెళ్లి వారి జీవితాలు కష్టంగా మారతాయి. చాలా సార్లు ఈ మార్గంలో మైళ్ల దూరం నడిచి ఒక దేశం నుండి మరొక దేశానికి చేరుకోవడానికి చాలా కష్టపడాల్సి వస్తుంది. ఈ మార్గంలో ప్రజలకు తిండి, తాగడానికి నీరు కూడా దొరకని పరిస్థితి ఉంటుంది. ఈ దారిలో నడిచేటప్పుడు చాలాసార్లు చనిపోవచ్చు కూడా.
