Delhi Metro : ఢిల్లీ మెట్రోలో ప్రయాణించిన మొదటి వ్యక్తి ఎవరో తెలుసా? ఇంతకీ ఢిల్లీ మెట్రో ఎప్పుడు ప్రారంభం అయిందంటే?

Delhi Metro : ట్రాఫిక్.. ట్రాఫిక్.. ట్రాఫిక్.. ఎక్కడ చూసినా ఫుల్ ట్రాఫిక్. ఇంట్లో నుంచి కాలు బయటపెట్టిన దగ్గర నుంచి గమ్యం చేరే వరకు ఎంతో సమయం పడుతుంది. ఈ ట్రాఫిక్ వల్ల సమయానికి ఆఫీస్ లకు, ఇంటికి రావడం కూడా ఆలస్యమే అవుతుంది. అందుకే గంట ముందే వెళ్తున్నారు ప్రజలు. అయితే కొన్ని నగరాల్లో మెట్రో రావడంతో అర్జెంట్ ఉన్నవారికి కాస్త సులువు అయింది ఈ సమస్య. కానీ డబ్బులు ఎక్కువ అని చాలా మంది వెళ్లడం లేదు. అయితే మెట్రో సేవలను ఉపయోగించుకునే వారు ఎక్కువగానే ఉన్నారు. మరి ఇప్పుడు ఢిల్లీ మెట్రో గురించి ఓ విషయం మనం తెలుసుకుందాం.

ఢిల్లీ మెట్రోని రాజధాని లైఫ్ లైన్‌గా పరిగణిస్తారు. ప్రతిరోజూ మిలియన్ల మంది ప్రజలకు కీలకమైన రవాణా మార్గంగా ఉపయోగపడుతుంది. ప్రతిరోజూ, లక్షలాది మంది ప్రజలు పని చేయడానికి, ప్రయాణించడానికి ఢిల్లీ మెట్రోపై ఆధారపడతారు. ఇది నగరంలో రోజువారీ జీవితంలో ముఖ్యమైన భాగం. ముఖ్యంగా, UPSC సివిల్ సర్వీసెస్ పరీక్ష వంటి పోటీ పరీక్షల సమయంలో, విద్యార్థుల సౌకర్యార్థం ఢిల్లీ మెట్రో దాని నిర్ణీత సమయానికి ముందే ప్రారంభమవుతుంది. అయితే ఢిల్లీ మెట్రోలో మొదటి సారి ప్రయాణించింది ఎవరో తెలుసా?

ఢిల్లీ మెట్రో రైల్ కార్పొరేషన్ (DMRC) డిసెంబర్ 24, 2002న షహదారా, తీస్ హజారీ మధ్య తన మొదటి కారిడార్‌ను ప్రారంభించింది. మాజీ ప్రధాని అటల్ బిహారీ వాజ్‌పేయి ఢిల్లీ మెట్రో 8.2 కిలోమీటర్ల విస్తీర్ణాన్ని ప్రారంభించారు. ‘ఢిల్లీ మెట్రో రైల్ కార్పొరేషన్ (DMRC) తన ప్యాసింజర్ కార్యకలాపాలను ప్రారంభించి 22వ వార్షికోత్సవాన్ని జరుపుకుంది. 2002 డిసెంబర్ 24న మొదటి ఢిల్లీ మెట్రో రైలు TS-01ని అప్పటి ప్రధానమంత్రి Sh. జెండా ఊపి ప్రారంభించారు. అటల్ బిహారీ వాజ్‌పేయి, ఢిల్లీ ఎన్‌సిఆర్‌లో ఆధునిక ప్రజా రవాణా కొత్త శకాన్ని పరిచయం చేస్తున్నారు” అని డిఎంఆర్‌సి డిసెంబర్ 25, 2024న ప్రచురించారు.

‘DMRC ప్రయాణాన్ని ప్రారంభించిన TS-01 రైలు, ఢిల్లీకి ఆధునిక ప్రజా రవాణాను తీసుకురావడంలో చాలా కృషి చేసిందనే చెప్పాలి. అయితే ఈ రైలును 2002లో ప్రారంభించారు. TS-01 4-కోచ్ రైలుగా ప్రారంభమైంది. అయితే పెరుగుతున్న ప్రయాణీకుల డిమాండ్‌కు అనుగుణంగా సంవత్సరాలుగా అప్‌గ్రేడ్ చేశారు. ఇక 2014లో 6 కోచ్‌లను, 2023లో 8 కోచ్‌ లుగా విస్తరించింది. దాని 22 సంవత్సరాల ప్రయాణంలో, TS -01 విశ్వసనీయత, సామర్థ్యానికి చిహ్నంగా ఉందనే చెప్పవచ్చు.

సుమారు 27 లక్షల కిలోమీటర్లు, సురక్షితంగా రవాణా చేస్తుంది. 5.4 కోట్ల మంది ప్రయాణికులు, 23 లక్షల మంది డోర్ ఆపరేషన్‌లను ఆకట్టుకుంటున్నారని పత్రికా ప్రకటనలో పేర్కొంది. ఇక మీడియా కథనాల ప్రకారం, నాటి ప్రధాని అటల్ బిహారీ వాజ్‌పేయి ఢిల్లీ మెట్రో కోసం మొదటి టిక్కెట్‌ను కొనుగోలు చేశారు. ఈ రైలు ప్రారంభం అయినప్పుడు ఆయననే మొదట ప్రారంభించి ముందు అడుగుపెట్టారు. ఇక ప్రారంభ యాత్రలో వాజ్‌పేయి కాశ్మీరీ గేట్ నుంచి సీలంపూర్ వరకు ప్రయాణించారు.

चला जाता हूँ किसी की धुन में बिना ट्रैफ़िक जाम में फसे हुए। #DelhiMetro pic.twitter.com/Dc42OR2fHL

— Delhi Metro Rail Corporation (@OfficialDMRC) September 15, 2022