Delhi Car Blast Latest Updates: దేశ రాజధాని ఢిల్లీలోని ఎర్రకోట సమీప మెట్రో స్టేషన్ సమీపంలో నవంబర్ 10, 2025న భారీ పేలుడు జరిగింది. మొదట సాధారణ యాంత్రిక లోపమని భావించిన ఈ ఘటన, దర్యాప్తులో ఆత్మాహుతి బాంబు దాడిగా బయటపడింది. ఈ ఘటనలో ప్రాధాన్యపాత్రధారి కశ్మీర్కు చెందిన ఉమర్ నబీ అని అధికారులు గుర్తించారు. ఇక ఎన్ఐఏ దర్యాప్తు చేపట్టింది. ఇందులో ఉగ్ర కుట్ర, ఆత్మాహుతి కోణం ఉన్నట్లు సమాచారం.
పారిపోతూ బ్లాసింగ్..
ఫరీదాబాద్లో డాక్టర్గా పనిచేస్తున్న ఉమర్ నబీ కొద్ది రోజులుగా భద్రతా సంస్థల పర్యవేక్షణలో ఉన్నాడు. అతని మిత్రులు పలువురు అదుపులోకి తీసుకోబడ్డారని తెలిసిన వెంటనే, అతడు లాల్ఖిల్లా స్టేషన్ వద్ద మూడు గంటలపాటు దాక్కున్నాడు. బయటకు వెళ్లే సమయంలో సడలింపు లేకుండా నడిచిన పేలుడు అతడిని తునాతునకలు చేసింది. ఈ ఘటనతో అతను పనిచేసిన వలయం ఒక పెద్ద నెట్వర్క్గా బయటపడింది.
భారీగా పేలుడు పదార్థాల స్వాధీనం
ఇదిలా ఉంటే భారత సైన్యం కశ్మీర్లోని సెక్టార్ 56లో నిర్వహించిన సోదాల్లో పోలీసులు పెద్ద మొత్తంలో అమ్మోనియం నైట్రేట్, గన్స్, టైమర్ పరికరాలను స్వాధీనం చేసుకున్నారు. దాదాపు 2,900 కిలోల పేలుడు పదార్థం సేకరించడం ఘోర దాడులకు సంకేతమని అధికారులు వ్యాఖ్యానించారు. ఫ్యూయల్ ఆయిల్ కలిపితే దేశవ్యాప్తంగా విధ్వంసం సష్టించే స్థాయిలో ఈ తయారీ ఉందని కేంద్ర ఇంటలిజెన్స్ తెలిపింది.
వైద్యులు ముసుగులో..
ఎన్ఐఏ దర్యాప్తులో బయటపడిన విషయాలు ఆశ్చర్యపరుస్తున్నాయి. కశ్మీర్ ప్రాంతానికి చెందిన డాక్టర్ ఆదిల్ అహ్మద్ రాథర్ ప్రభుత్వ వైద్య కళాశాలలో పనిచేస్తూ జైష్ ఏ మహ్మద్ కోసం ప్రచార కార్యకలాపాలు నిర్వహించేవాడు. అదుపులోకి తీసుకున్న తర్వాత అతడే ఈ కుట్రకు కీలకమైన డాక్టర్ ముజమిల్ షఖీల్ పేరును బయటపెట్టాడు. తరువాత పుల్వామాకు చెందిన ఆ వ్యక్తిని కూడా పోలీసులు ట్రాక్ చేసి పట్టుకున్నారు. అతని నియంత్రణలో ఉన్న మహిళా విభాగం నాయకురాలు షాహీన్ షహీద్ కూడా అదుపులోకి వచ్చింది. ఆమెకు మార్గదర్శకురాలు పాకిస్తాన్ మహిళ సాదియా అజర్గా తెలిసింది, ఆమె మౌలానా మసూద్ అజర్ బంధువు కావడం దర్యాప్తుకు అంతర్జాతీయ కోణం ఇచ్చింది.
కశ్మీర్ నుంచి దేశవ్యాప్తంగా నెట్వర్క్
ఫరీదాబాద్ నుంచి లక్నో, ఢిల్లీ వరకు ఈ నెట్వర్క్ విస్తరించి ఉండగా, వాళ్లకు సహకరించిన వ్యక్తి హఫీజ్ మహ్మద్ అని గుర్తించారు. అతడు ఆయా డాక్టర్లకు నివాసం ఇచ్చిన వాడు. మొత్తం 56 మంది ఈ కుట్రలో భాగస్వాములుగా గుర్తించబడి అరెస్టయ్యారు. కశ్మీర్లో సాధారణ పరిస్థితులు లేవని, వైద్యులు వరకు ఉగ్రవాద మార్గం వైపు మళ్లడం తీవ్ర ఆందోళనగా ఉందని అధికారులు స్పష్టం చేశారు. ఇక ఉగ్ర కుట్ర ఆపరేషన్ దేశ భద్రతా సంస్థల సమన్వయంతో విజయవంతమైంది. డాక్టర్ ఆదిల్ అహ్మద్ రాథర్ కేసు దర్యాప్తుతో జైష్ నెట్వర్క్ ముళ్లను కనిపెట్టడం సాధ్యమైంది. అతని వద్ద లభించిన సమాచారం ఆధారంగా ఉమర్ నబీ పథకం భగ్నమైందని ఇంటలిజెన్స్ అధికారులు చెప్తున్నారు.
