Rainy season health tips: వర్షాకాలం ఆరోగ్యానికి ఎంత ఆహ్లాదకరంగా ఉంటుందో, అంతే ప్రమాదకరంగా కూడా ఉంటుంది. అందువల్ల, ఈ కాలంలో ఆరోగ్యం పట్ల ప్రత్యేక శ్రద్ధ తీసుకోవడం చాలా ముఖ్యం. వాస్తవానికి, రుతుపవనాల రాక పచ్చదనం, చల్లదనాన్ని తెస్తుంది. వీటితో పాటు బోనస గా ఈ కాలంలో ఆరోగ్యానికి అనేక సవాళ్లు కూడా వస్తాయి. ఈ సమయంలో అనేక వ్యాధులు, ఇన్ఫెక్షన్ల ప్రమాదం పెరుగుతుంది. ఎన్నో వ్యాధులు, సమస్యలు, ఈగలు, దోమలు, జ్వరం, డెంగ్యూ, మలేరియా ఇలా చెప్పుకుంటూ పోతే ఈ కాలం తెచ్చే సమస్యలు ఎక్కువే. ఇంతకీ వీటి నుంచి ఉపశమనం లభించడనికి ఏం చేయాలంటే?
ఇక దోమలు, ఈగలను మీ ఇంటి దరిదాపుల్లోకి కూడా రానివ్వకుండా జాగ్రత్త పడాలి. ఈగలు, దోమలు ఉంటే కచ్చితంగా మీ ఇల్లు రోగాలకు నిలయంగా ఉంటుంది. ముఖ్యంగా మీ ఇంటి ముందు నీరు నిల్వకుండా చూసుకోవాలి. చెత్త ఉండకుండా జాగ్రత్త పడాలి. అన్ని విషయాల్లో మీరు జాగ్రత్త వహించడం వల్ల ఈ కాలాన్ని సాఫీగా గడిపేయవచ్చు.
వర్షాకాల వ్యాధులు?
వర్షాకాలంలో తేమ పెరగడం, ఉష్ణోగ్రతలో హెచ్చుతగ్గుల కారణంగా జలుబు, దగ్గు, జ్వరం, విరేచనాలు, చర్మ వ్యాధులు వచ్చే ప్రమాదం చాలా రెట్లు పెరుగుతుంది. ముఖ్యంగా ఈ సీజన్లో చర్మ వ్యాధులు ఎక్కువగా కనిపిస్తాయి. అటువంటి ఇన్ఫెక్షన్లను నివారించడానికి ఆయుర్వేదంలో అనేక ప్రభావవంతమైన గృహ నివారణలు ఉన్నాయి.
వర్షాకాలంలో ఆరోగ్యంగా ఉండటానికి చిట్కాలు
ప్రజలు పసుపు, తులసి కషాయాలను క్రమం తప్పకుండా తాగాలి. త్రికటు పొడిని తినాలి. గోరునీటినే తీసుకోవడం మరింత మంచిది అని సూచిస్తున్నారు వైద్యులు. ఈ చర్యలు శరీర రోగనిరోధక శక్తిని పెంచడంలో సహాయపడతాయి. వర్షాకాలంలో తాగే నీటి పట్ల ప్రత్యేక శ్రద్ధ వహించాలని ఆయన ప్రజలకు ప్రత్యేక సలహా ఇచ్చారు. మరిగించిన నీటిని తాగితే చాలా మంచిది.
వర్షాకాలంలో ప్రయోజనకరమైన ఔషధం
వేప, తిప్పతీగ వంటి ఆయుర్వేద ఔషధాల వినియోగం చాలా ప్రయోజనకరంగా ఉంటుంది. ఈ మూలికలు శరీరాన్ని లోపలి నుంచి బలోపేతం చేసి కాలానుగుణ ఇన్ఫెక్షన్ల నుంచి రక్షిస్తాయి. వర్షంలో తడవకుండా, పరిశుభ్రతపై ప్రత్యేక శ్రద్ధ వహించాలి. సమతుల్య ఆహారాన్ని అనుసరించాలి.
జాగ్రత్త అవసరం
ఎవరైనా ఆరోగ్య సంబంధిత లక్షణాలను గమనించినట్లయితే, వెంటనే సమీపంలోని ఆయుష్ ఆరోగ్య కేంద్రాన్ని సంప్రదించండి. ఈ సున్నితమైన వర్షాకాలంలో ప్రతి ఒక్కరూ ఆరోగ్యంగా, సురక్షితంగా ఉండటానికి ప్రజలకు అవగాహన కల్పించడానికి ఆయుష్ విభాగం ప్రజా ప్రయోజనాల కోసం నిరంతరం ప్రచారాలను నిర్వహిస్తోందని ఆయన అన్నారు.
Disclaimer : ఈ సమాచారం కేవలం అవగాహన కోసం మాత్రమే అందిస్తున్నాము. దీన్ని Oktelugu.com నిర్ధారించదు. ఈ సూచనలు పాటించే ముందు నిపుణుల సలహాలు తీసుకోగలరు.
