Gut Health : బాగా జీవించడం అంటే గట్ ఆరోగ్యం బాగుండటే. ఇది కేవలం ఒక సామెత మాత్రమే కాదు, నిజానికి గట్ అనేది సరైన శ్రేయస్సును సాధించడానికి ఒక గేట్వే అని చెప్పవచ్చు. గట్ ఆరోగ్యం రోగనిరోధక వ్యవస్థ, మానసిక ఆరోగ్యం, జీర్ణక్రియ ప్రక్రియలు, బరువు, మరిన్నింటిపై ప్రభావం చూపుతుంది. స్థూలకాయం, మధుమేహం, రక్తపోటు, ఆందోళన వంటి వ్యాధుల రేటు ప్రపంచవ్యాప్తంగా ఊపందుకుంటుంది. కాబట్టి ఓవర్-ది-కౌంటర్ స్నాక్స్, ప్రాసెస్ చేసిన ఆహారాలు ప్రధాన కారణాలు అని కూడా తేల్చాయి నివేదికలు. ఈ జీవనశైలి వ్యాధులకు ప్రధాన కారణాలలో ఒకటి అనారోగ్యకరమైన పోషకాహారం అంటున్నారు నిపుణులు.
పేగు ఆరోగ్యాన్ని కాపాడుకోవడం చాలా అవసరం. మొదటి భోజనం నుంచి స్థిరమైన, సమతుల్య పోషణ ప్రతి సమయంలో అవసరం. అయితే ఆహారాన్ని మార్చిన 24 గంటల్లో గట్ మైక్రోబయోమ్ మారవచ్చు అంటున్నారు నిపుణులు. మీ ఆహార ఎంపికలలో మార్పులు జీర్ణక్రియ, జీవక్రియ, మానసిక స్థితిని కూడా ప్రభావితం చేస్తాయి. వేగంగా మీ ఆహారంలో మార్పులు చేసుకోవడం వల్ల అంతే ఆరోగ్యంగా మీ శరీరం ఉంటుంది. మార్నింగ్ పోషణపై దృష్టి పెట్టడం వల్లమీ ఆరోగ్యం మెరుగు పడుతుంది. ఇది జీవక్రియను కిక్స్టార్ట్ చేయడం ద్వారా జీర్ణవ్యవస్థను ఉత్తేజపరుస్తుంది. సో పూర్తి గట్ ఆరోగ్యానికి మద్దతు లభిస్తుంద. ఆరోగ్యకరమైన గట్ కోసం మార్నింగ్ రొటీన్ ఏ విధంగా ఉండాలంటే?
ప్రోటీన్ రిచ్ మార్నింగ్ న్యూట్రిషన్: ప్రోటీన్ వల్ల శరీరం ఎక్కువ సమయం పాటు ఆరోగ్యంగా ఉండేలా చేస్తుంది. రక్తంలో చక్కెర స్థాయిని నిర్వహించడానికి సహాయపడుతుంది. ప్రయోజనకరమైన బ్యాక్టీరియాతో పోషణతో పాటు మన గట్ కణజాలాన్ని కూడా రిపేర్ చేస్తుంది. పప్పుధాన్యాలు, గింజలు, విత్తనాలు వంటి మొక్కల ఆధారిత ప్రోటీన్ మూలాలు ఆరోగ్యకరమైన ప్రేగులను నిర్వహించడానికి సహాయపడే అవసరమైన అమైనో ఆమ్లాలను అందిస్తాయి. అల్పాహారం సమయంలో ప్రోటీన్లు అధికంగా ఉండే భోజనం తీసుకోవడం ఉత్తమం.
గట్ హెల్త్ కోసం ప్రోబయోటిక్స్: రోజువారీ ఆహారంలో ప్రోబయోటిక్స్ను చేర్చుకోవడంపై ఎక్కువ ప్రాధాన్యతనిస్తున్నారు ప్రజలు. పెరుగు, ఇడ్లీ, దోస వంటి ఆహారాలు, ప్రయోజనకరమైన బ్యాక్టీరియాను అందిస్తాయి. ఆరోగ్యకరమైన ప్రేగులను నిర్వహిస్తాయి. జీర్ణక్రియను మెరుగుపరుస్తాయి. ముఖ్యంగా ఇవి మన రోగనిరోధక శక్తి స్థాయిలను పెంచడంలో కీలకమైనవి. ప్రోబయోటిక్స్ మానవ శరీరాల జీర్ణక్రియ ప్రక్రియకు ప్రయోజనకరంగా ఉండటమే కాకుండా, మానసిక శ్రేయస్సుకు కూడా బాగా దోహదం చేస్తాయి.
ముఖ్యంగా పులియబెట్టిన ఆహారాలలో కనిపించే బాసిల్లస్ కోగ్యులన్స్ ప్రేగు పనితీరును మెరుగుపరచడానికి, జీర్ణక్రియను మెరుగుపరచడానికి, గట్ బారియర్ ఫంక్షన్లకు మద్దతు ఇవ్వడానికి సహాయపడాయి. రోజువారీ డైట్ ల ప్రోబయోటిక్ సప్లిమెంట్లను చేర్చడం వల్ల బాసిల్లస్ కోగులన్స్ లకు మంచి మూలం. ఇవి సరైన గట్ ఆరోగ్యానికి మద్దతును అందిస్తాయి.
గట్ ఆరోగ్యానికి ప్రీబయోటిక్స్: ప్రీబయోటిక్స్ మన బ్యాక్టీరియాకు ఆహారం. అరటిపండ్లు, యాపిల్స్, పుచ్చకాయ, కాయధాన్యాలు, ఓట్స్, బాదం, అవిసె గింజలు వంటి అనేక ఆహారాలలో ఇవి కనిపిస్తాయి. జీర్ణక్రియ ఆరోగ్యానికి తోడ్పడటానికి ఇవి చాలా అవసరం. అందువల్ల, అధిక పీచు పదార్ధాలను ఉదయం పోషకాహారంలో చేర్చడం అవసరం. జీర్ణాశయంలోని మంచి బ్యాక్టీరియాను పోషించి బరువును నియంత్రించడంలో సహాయపడుతుంది.
హైడ్రేషన్, మైండ్ఫుల్ ఈటింగ్: తగినంత నీరు తాగడం అనేది కూడా చాలా అవసరం. ఆహారంతో పాటు నీరు కూడా ముఖ్యం. ఒక గ్లాసు గోరువెచ్చని నిమ్మరసం చాలా ఆరోగ్యకరమైనది. జీర్ణశయాంతర పనితీరును సమలేఖనం చేయడానికి సిఫార్సు చేస్తారు నిపుణులు. ఇక తినే ఆహారం మీద శ్రద్ధ చూపడం, నమలడం సరైన జీర్ణక్రియ, పోషకాల వినియోగంలో సహాయపడుతుంది.
Disclaimer : ఈ సమాచారం కేవలం అవగాహన, ప్రాథమిక సమాచారం కోసం మాత్రమే. దీన్ని oktelugu.com నిర్ధారించదు. ఈ సూచనలు పాటించే ముందు నిపుణుల సలహాలు తీసుకోగలరు..
