Best Time to Sleep: నీరు, తిండి, నిద్ర మనిషికి చాలా అవసరం. వీటిలో ఏది సరిగ్గా లేకపోయినా సరే మనిషి ఆరోగ్యం చాలా ప్రమాదంలో ఉంటుంది. ఇప్పుడు మనం నిద్ర గురించి మాట్లాడుకుందాం. అయితే నేటి కాలంలో ప్రజల నిద్ర, మేల్కొనే దినచర్య క్షీణించింది. చాలా మంది ప్రజలు అర్థరాత్రి వరకు మేల్కొని ఉంటారు. ఉదయం ఆలస్యంగా లేస్తున్నారు. ఇది వారి ఆరోగ్యంపై చెడు ప్రభావాన్ని చూపుతుంది. అర్థరాత్రి వరకు మేల్కొని ఉండటం వల్ల ఊబకాయం, మధుమేహం వంటి అనేక ప్రమాదకరమైన వ్యాధుల ప్రమాదం పెరుగుతుంది. నిద్ర టైమింగ్స్ సరిగ్గా లేకపోతే చాలా సమస్యలు ఎదుర్కోవాలి కాబట్టి. ఇంతకీ మనం ఏ సమయానికి పడుకోవాలో ఇప్పుడు తెలుసుకుందాం.
సరైన సమయంలో నిద్రపోవడం చాలా ముఖ్యం. చాలా మంది రాత్రి 9 గంటలకు నిద్రపోతారు. చాలా మంది 11-12 గంటలకు నిద్రపోతారు. ఇప్పుడు ప్రశ్న ఏమిటంటే, రాత్రి ఏ సమయంలో నిద్రపోవడం అత్యంత ప్రయోజనకరమో తెలుసుకొని దానికి సరిగ్గా మన అలవాటును మార్చుకోవడం చాలా అవసరం.
రాత్రి చీకటి పెరిగేకొద్దీ ప్రజలు నిద్రపోవాలి. అయితే రాత్రి 7 గం.ట తర్వాత మెలటోనిన్ అనే కెమెకల్ రిలీజ్ అవుతుంది. ఇది రిలీజ్ అయిన తర్వాత పడుకోవడం మంచిది అంటున్నారు నిపుణులు. రాత్రి 7-10 గం.ల వరకు ఇది విడుదల అవుతుంది. ఏడు గం.ల నుంచి కొద్ది కొద్దిగా విడుదల అవుతూ రాత్రి 10 గం.లకు ఫుల్ గా రిలీజ్ అవుతుంటుంది. ఈ సమయానికి పడుకోవాలి. ఇక రాత్రి 1 గం.ల తర్వాత రిలీజ్ అవదు అంటున్నారు నిపుణులు. ఈ మెలటోనిన్ అనేది మీ బ్రెయిన్ కు మంచి విశ్రాంతిని ఇస్తుంది. అందుకే ఇది రిలీజ్ అవుతున్న సమయంలోనే పడుకోవాలట. లేదంటే శరీరానికి రెస్ట్ లభిస్తుంది కానీ మెదడుకు మాత్రం విశ్రాంతి ఉండదు.
టీవీ షోలు చూడటం లేదా సోషల్ మీడియాలో స్క్రోలింగ్ చేస్తూ సమయం గడపడం వల్ల అర్ధరాత్రి వరకు మేల్కొని ఉంటున్నారు చాలా మంది. అందుకే రాత్రి 7-10 గంటల వరకు నిద్రించడానికి ఉత్తమ సమయంగా పరిగణిస్తారు. మన శరీరంలో అంతర్గత గడియారం ఉంది. ఇది సూర్యాస్తమయం తర్వాత నిద్రపోవాలని సూచిస్తుంది. ఈ గడియారాన్ని అనుసరిస్తే, మనం అనేక వ్యాధులను నివారించవచ్చు. మనం నిద్ర సమయాన్ని భంగపరిస్తే, అది ఊబకాయం, మధుమేహం వంటి ఇతర ఆరోగ్య సమస్యల ప్రమాదాన్ని పెంచుతుంది.
మరొక అధ్యయనం ప్రకారం, 9 నుంచి 10 వరకు నిద్రించడానికి ఉత్తమ సమయం. ఈ సమయంలో ఎన్ని పనులు ఉన్నా సరే మీ ఆరోగ్యమే మహాభాగ్యం అనుకొని నిద్రపోవడానికి ప్రయత్నించండి. పనులను ముందే పూర్తి చేసుకోండి. దీని కోసం మీరు అంటే ఆరోగ్యంగా ఉండటానికి, మనం ఒక నిర్దిష్ట సమయంలో నిద్రపోవడం, మేల్కొనే అలవాటును పెంపొందించుకోవడం చాలా ముఖ్యం. మీరు మీ నిద్ర, ఆహారాన్ని క్రమం తప్పకుండా పాటిస్తే, అది మీ ఆరోగ్యానికి ప్రయోజనకరంగా ఉంటుంది. శరీర సహజ చక్రాన్ని సిర్కాడియన్ రిథమ్ అంటారు. దీనిని అనుసరించడం వలన నిద్ర మెరుగుపడటమే కాకుండా, హార్మోన్లు, రోగనిరోధక వ్యవస్థ, జీర్ణక్రియ సరిగ్గా పని చేస్తుంది.
Disclaimer : ఈ సమాచారం కేవలం అవగాహన కోసం మాత్రమే అందిస్తున్నాము. దీన్ని Oktelugu.com నిర్ధారించదు. ఈ సూచనలు పాటించే ముందు నిపుణుల సలహాలు తీసుకోగలరు.
