Child’s Immunity : పిల్లలకు మళ్లీ మళ్లీ అనారోగ్యమా? తల్లిదండ్రుల ఈ 3 అపోహలకు సమాధానాలివీ

Child’s Immunity : ఇంట్లో చిన్నపిల్లలు ఉంటే అల్లరి అల్లరే. అయితే పిల్లలు బాగున్నంత సేపు అందరూ హ్యాపీ. కానీ వారికి జబ్బు చేస్తే మాత్రం వారు తట్టుకోలేరు. తల్లిదండ్రులు ఓర్చుకోలేరు. సీజనల్ వ్యాధులు కట్టడి చేస్తాయి. మంచిగా ఉండే పిల్లలను పట్టి వేధిస్తుంటాయి. పిల్లలున్న ప్రతీవారు ఫేస్ చేసే వారి అనారోగ్య సమస్యలు అన్నీ ఇన్నీ కావు.. కనీసం రెండు మూడు రోజులైనా ఆస్పత్రిలో పిల్లల కోసం ఉండేవాళ్లు ఉన్నారు. వారి అస్వస్థత అలా తీవ్రంగా ఉంటుంది. అయితే కొందరు పిల్లలు మళ్లీ మళ్లీ అనారోగ్యానికి గురవుతున్నారా? మీ బిడ్డకు చాలా మందులు రెగ్యులర్ గా వాడడం గురించి మీరు ఆందోళన చెందుతున్నారా? మీ బిడ్డ రోగనిరోధక శక్తి బలహీనంగా ఉందని మీరు అనుకుంటున్నారా? ఈ మందులు మీ పిల్లల శరీరాన్ని ప్రతికూలంగా ప్రభావితం చేస్తున్నాయని ఆందోళన చెందుతున్నారా? అయితే ఇలాంటి జాగ్రత్తలు పాటించి పిల్లలను కాపాడుకోవాలని పలువురు సూచిస్తున్నారు.

పిల్లలు మళ్లీ మళ్లీ ఇన్‌ఫెక్షన్లు , అలెర్జీలకు గురి అవుతుంటే తప్పనిసరిగా ఈ మూడు సందేహాలను ప్రతీ తల్లిదండ్రి నివృత్తి చేసుకోవాలి.

– తరచుగా అనారోగ్యం అంటే పిల్లలలో రోగనిరోధక శక్తి తక్కువగా ఉంటుందా?

ప్రతి 15-20 రోజులకు ఒక పిల్లవాడు అనారోగ్యం పాలవుతున్నట్లయితే కంగారు పడాల్సిన పనిలేదు. అలెర్జీ దగ్గు ,జలుబు లేదా జ్వరం దగ్గు , అలెర్జీ లేదా ఇన్‌ఫెక్షన్‌తో అనారోగ్యంతో బాధపడుతున్నాడు అంటే పిల్లవాడు బలహీనమైన రోగనిరోధక శక్తిని కలిగి ఉన్నాడని గుర్తించాలి. ఇవి వేర్వేరు వ్యాధులు. మీ బిడ్డకు ఈ వైరస్‌లు , బ్యాక్టీరియాలను ఎదుర్కొనే సామర్థ్యం ఉందని గుర్తించాలి. ఇలా జరిగితే అది రోగనిరోధక శక్తిని పెంచుతుందని గుర్తించాలి.

– మందులు పిల్లల రోగనిరోధక శక్తిని బలహీనపరుస్తాయా?
దగ్గు మరియు జలుబు కోసం తమ పిల్లలకు యాంటీబయాటిక్స్ లేదా యాంటీవైరల్ మందులు నిరంతరం ఇవ్వడం వల్ల వారి రోగనిరోధక శక్తి తగ్గిపోతుందా అని తల్లిదండ్రులు తరచుగా ఆందోళన చెందుతారు. “బాక్టీరియల్ ఇన్‌ఫెక్షన్‌కు యాంటీబయాటిక్, ఇన్‌ఫ్లుఎంజాకు యాంటీ వైరల్, దగ్గు మరియు జలుబు కోసం దగ్గు జలుబు సిరప్‌లు, జ్వరానికి ఫీవర్ మందు సరైన కారణంతో సరైన మందు ఇస్తే ఏం కాదు…సరైన మోతాదులో సరైన రూపంలో ఔషధం ఇవ్వాలి. అప్పుడే పిల్లల రోగనిరోధక శక్తి బలంగా ఉంది. అలా చేస్తే వారి కాలేయం లేదా మూత్రపిండాలను ఈ మందు పాడుచేయదు. ఆరోగ్యంగా ఉంచుతుంది.

– మీ పిల్లల అనారోగ్యాన్ని అంతం చేసే ఔషధం ఉందా?
మీ బిడ్డ అనారోగ్యం బారిన పడకుండా నిరోధించే ఔషధం మొత్తం ప్రపంచంలో లేదు అని నిపుణులు చెబుతున్నారు. మల్టీవిటమిన్లు మరియు కొన్ని మందులు అనారోగ్యం పాలవుకుండా కాపాడుతాయి. ఇవి కొన్ని వ్యవస్థలను మళ్లీ మళ్లీ ప్రభావితం చేయకుండా సహాయపడతాయి. బలోపేతం చేస్తాయి. అయితే వారి పిల్లలు అనారోగ్యం బారిన పడకుండా ఆపగలిగే ఔషధం ప్రపంచంలో ఏదీ లేదు.

చివరగా వైద్యులు చెప్పేది ఏంటంటే.. పిల్లలు అనారోగ్యానికి గురవుతారు. కానీ వారికి తక్కువ రోగనిరోధక శక్తి ఉందని దీని అర్థం కాదు. ఈ అనారోగ్యానికి వాడే మందులు మీ పిల్లల రోగనిరోధక శక్తిని బలహీనపరచవు. ఎందుకంటే అవి డాక్టర్ సూచించినట్లు ఇస్తే పిల్లలకు ఏం కాదు.. పిల్లలు ఆరోగ్యంగా ఉండాలంటే ముందుగా మందుల కంటే కూడా.. “మంచి నిద్ర, మంచి ఆహారం, మంచి పరిశుభ్రత పద్ధతులు .. సరైన సమయంలో అన్ని టీకాలు వేయండి. మీ పిల్లల రోగనిరోధక శక్తిని బలంగా ఉంచడానికి మీరు చేయగలిగినదంతా చేస్తే అదే వారి ఆరోగ్యాన్ని పదికాలాలపాటు రక్షిస్తుంది.