Fans Surprised NTR At Mubai: వాళ్ళ అభిమానం ఎన్టీఆర్ ను కూడా ఆశ్చర్యపరిచింది

Fans Surprised NTR At Mubai: జూనియర్ ఎన్టీఆర్ ‘ఆర్ఆర్ఆర్’ విజయంలో కీలక పాత్ర పోషించారు. ఎన్టీఆర్ పాత్ర విషయంలో కొన్ని చోట్ల ఫ్యాన్స్ నిరాశ పడినా.. చాలా చోట్ల అభిమానులు ఎన్టీఆర్ నటనకి నీరాజనాలు పలుకుతూ పాలాభిషేకాలు చేశారు. నిజంగానే ‘ఆర్ఆర్ఆర్’లో ఎన్టీఆర్ తన నటనతో అబ్బురపరిచాడు. ఎన్టీఆర్‌ తో పోటీ పడే నటుడే లేడు అన్నట్టు కొన్ని ఎమోషనల్ సన్నివేశాల్లో తారక్ నటన అద్భుతంగా ఉంది.

ఫలితంగా ఎన్టీఆర్ పేరు దేశ వ్యాప్తంగా మారుమ్రోగుతోంది. ఎన్టీఆర్ ఇంత గొప్ప నటుడా అంటూ బాలీవుడ్‌ సైతం ఆశ్చర్యపోయింది. మొత్తమ్మీద ఎన్టీఆర్ నటనకు దేశవ్యాప్తంగా సినీ ప్రేమికులు ఫిదా అయిపోయారు. భారీ కలెక్షన్లు సాధిస్తున్న ఆర్ఆర్ఆర్ సినిమా సక్సెస్ లో ఎన్టీఆర్ దే ముఖ్య పాత్ర అంటూ సోషల్ మీడియాలో కామెంట్స్ పెడుతూ ఎన్టీఆర్ పై ఉన్న అభిమానాన్ని ఆ రకంగా చాటుకుంటున్నారు.

Also Read: RRR 12 Days Collections: భారీగా తగ్గుతున్న కలెక్షన్స్.. కారణం అదే

పైగా ఉత్తరాదిలో ఎన్టీఆర్ కు మరింత ఫాలోయింగ్ పెరిగింది. నిన్న ఎన్టీఆర్ ముంబై వెళ్లారట. ముంబై లో ఓ హోటల్ లో దిగగానే అక్కడ స్థానిక ప్రేక్షకులు ఎన్టీఆర్ ను ఉక్కిరిబిక్కిరి చేసేసారు. ఎన్టీఆర్ తో ఫోటోలు తీసుకునేందుకు ఎగబడ్డారు. జై ఎన్టీఆర్.. జై భీమ్ అని నామజపంతో ఆ ప్రాంతం ఒక్కసారిగా హోరెత్తిపోయిందట.

ఒక బాలీవుడ్ స్టార్ హీరోలకే ఇలా జరుగుతుంది. కానీ.. ఎన్టీఆర్ కి ఇలా జరగడం.. ముఖ్యంగా నార్త్ ప్రేక్షకులు ఎన్టీఆర్ పై అమితమైన అభిమానాన్ని చూపించడం ఎన్టీఆర్ కి కూడా ఆశ్చర్యాన్ని కలిగించింది. ఇక ఎన్టీఆర్ తన దగ్గరకు వచ్చిన వారందరికీ ధన్యవాదాలు తెలియజేశాడు. ఎన్టీఆర్ ను బాలీవుడ్ లో కూడా వరుస సినిమాలు చేయాలని హిందీ ప్రేక్షకులు కోరారు.

తనకు హిందీలో అద్భుతమైన ఎంట్రీ లభించింది అని.. పైగా ‘ఆర్ఆర్ఆర్’ ద్వారా బాలీవుడ్ ప్రేక్షకులు తనకు జేజేలు పలుకుతున్నారని.. కచ్చితంగా హిందీలో కూడా ఇక నుంచి వరుస సినిమాలు చేస్తాను అంటూ ఎన్టీఆర్ వాళ్లతో అన్నారు.

Also Read:Rashmika Mandanna Diet Secrets: రష్మిక అందం వెనుక ఉన్న ‘డైట్’ సీక్రెట్ ఇదే