సినిమాటోగ్రాఫ‌ర్ ‘కేవి గుహన్’ అనగానే వెంటనే విజువల్ బ్యూటీ గుర్తుకువస్తోంది. ఆయన అంత అందంగా లొకేషన్స్ ను చూపిస్తారు. ఇక ఇప్పటికే కళ్యాణ్ రామ్ హీరోగా ‘118’ అనే సినిమాని డైరెక్ట్ చేసి మంచి హిట్ అందుకున్నాడు గుహన్. పైగా పాజిటివ్ రివ్యూస్ సొంతం చేసుకొని బాక్సాఫీస్ వద్ద డీసెంట్ కలెక్షన్లను రాబట్టి హిట్ చిత్రంగా నిలిచింది ఆ సినిమా. మొత్తానికి డైరెక్టర్ గానూ మంచి హిట్ రావడంతో మరో సినిమాని డైరెక్ట్ చేయడానికి రంగం సిద్ధం చేసుకున్నాడు గుహన్.
Also Read: నటి ఆత్మహత్య కేసులో నేరస్థుడు అతనే !
మంచి కాన్సెప్ట్ తీసుకుని.. ఆ కాన్సెప్టు ని తెర మీదకు తీసుకురావడంలో గుహన్ చాలా వరకు సక్సెస్ అయ్యాడు. అందుకే గుహన్ రెండో సినిమా పై ప్రేక్షకుల్లో మంచి ఆసక్తి క్రియేట్ అయింది. కాకపోతే, గుహన్ తన రెండో సినిమాకి పెట్టిన టైటిల్ నే కాస్త కొత్తగా ఉంది. టైటల్ దగ్గరే గుహన్ మాగ్జిమమ్ కేర్ తీసుకుంటున్నాడు. ‘118’ అనే టైటిల్ పెట్టి స‌క్సెస్‌ఫుల్ చిత్రాన్నితెర‌కెక్కించాడు కాబట్టి.. గుహన్ ఇప్పుడు ఏ టైటిల్ పెట్టినా నో చెప్పలేని పరిస్థితి.
ఇంతకీ ఈ సినిమాటోగ్రాఫ‌ర్ తన తరవాత సినిమాకు పెట్టిన టైటిల్ ‘డబ్ల్యు.డబ్ల్యు.డబ్ల్యు’. అథిత్ అరుణ్‌, శివాని రాజ‌శేఖ‌ర్ హీరోహీరోయిన్లుగా రానున్న ఈ మూవీని రామంత్ర క్రియేష‌న్స్ ప‌తాకం పై డా. ర‌వి పి. రాజు ద‌ట్ల నిర్మిస్తున్నాడు. ఈ సినిమా కాస్త వైవిధ్యంగా ఉండబోతుందని తెలుస్తోంది.
Also Read: అప్పటి సీక్రెట్స్: 94 రేప్ లు.. ఆ సీన్స్ ఆయనే బాగా చేయగలడు !
నిజానికి ‘118’ సినిమా తరువాత గుహాన్ కు హీరో రామ్ తో ఒక సినిమా ఆఫర్ వచ్చింది. అలాగే, దిల్ రాజు నిర్మాణంలో కూడా ఓ సినిమా చేయాలి. దిల్ రాజు అడ్వాన్స్ కూడా ఇచ్చాడు. మరి, ఇన్ని మంచి సినిమాలు కాదు అనుకుని.. గుహన్ ఈ ‘డబ్ల్యు.డబ్ల్యు.డబ్ల్యు’ సినిమా తీశాడు అంటే.. మొత్తానికి ఈ సినిమాలో ఏదో మ్యాటర్ ఉన్నట్లే కనిపిస్తోంది
మరిన్ని సినిమా వార్తల కోసం టాలీవుడ్ న్యూస్
