Squid Game 2 : ఇది వరకు మనం ఎన్నో రియాలిటీ షోస్ చూసి ఉంటాము, ప్రతీ ఒక్క షో ఆడియన్స్ కి మంచి ఫన్ ని అందించేదే. వీటికి టీఆర్ఫీ రేటింగ్స్ కూడా అద్భుతంగా వస్తుంటాయి , ఉదాహరణకి మన బిగ్ బాస్ షోస్ లాంటివి అన్నమాట. సరిగ్గా ఇలాంటి రియాలిటీ షో లాగానే హాలీవుడ్ లో ఒక గేమ్ షో ఉంది. బిగ్ బాస్ హౌస్ లో ప్రతీ వారం ఒక్కో కంటెస్టెంట్ ఎలిమినేట్ అవుతూ ఉంటారు. ఈ షోలో కూడా అదే విధంగా ఎలిమినేట్ అవుతుంటారు కానీ, ఇక్కడ ఎలిమినేషన్ అంటే చావడం అని అర్థం. టాస్కులలో ఓడిపోయిన వారిని చంపేస్తూ ఉంటారు. ఇలాంటి రియాలిటీ షో నిజ జీవితం లో జరగదు కానీ, ఈ కాన్సెప్ట్ తో హాలీవుడ్ లో ‘స్క్విడ్ గేమ్’ అనే కొరియన్ వెబ్ సిరీస్ తెరకెక్కింది. 2021 వ సంవత్సరంలో నెట్ ఫ్లిక్స్ లో విడుదలైన ఈ వెబ్ సిరీస్ కి సెన్సేషనల్ రెస్పాన్స్ వచ్చింది.
ఇప్పుడు ఈ సిరీస్ కి సీక్వెల్ గా ‘స్క్విడ్ గేమ్ 2’ తెరకెక్కింది. షూటింగ్ కార్యక్రమాలు మొత్తం పూర్తి చేసుకున్న ఈ వెబ్ సిరీస్ డిసెంబర్ 26 వ తేదీ నుండి నెట్ ఫ్లిక్స్ లో అందుబాటులోకి రానుంది. ఈ వెబ్ సిరీస్ ని మన ఇండియన్ ఆడియన్స్ కూడా ఎగబడి చూసారు. కానీ చూడని వాళ్లకు ఈ సిరీస్ స్టోరీ లైన్ ని అందిస్తున్నాము. స్టోరీ ఏమిటంటే జీవితం లో ఎన్నో ఒడిదుడుగులను ఎదురుకునే సామాన్యులకు ఆశ చూపుతూ, ఒక వ్యక్తి కొన్ని సులువైన గేమ్స్ ఆడించి, ఆ సామాన్యులను గెలిపించి కొంత డబ్బుని ఇస్తాడు. ఇలాంటి గేమ్స్ ఇంకా ఆడాలని అనుకుంటున్నారా?, అయితే ఈ నెంబర్ కి కాల్ చేయండి అని ఒక కార్డు ఇస్తాడు. డబ్బు ఆశ చూసిన వాళ్ళు ఎందుకు ఇలాంటి అవకాశాలు వదులుకుంటారు చెప్పండి?, అందుకే ఆ కార్డు మీద ఉన్న నెంబర్ కి ఫోన్ చేస్తారు. గేమ్ నిర్వహించేవాళ్ళు వాళ్ళ అడ్రస్ కి వచ్చి, మత్తు మందు అందించి , ఒక ఐల్యాండ్ కి తీసుకెళ్తారు. కాన్సెప్ట్ మొత్తం బిగ్ బాస్ హౌస్ లాగానే ఉంటుంది. కానీ ఇందులో ఓడిపోయిన వాళ్ళను చంపేస్తారు.
ఈ విషయం తెలియకుండానే అక్కడికి ఈ అమాయకులందరు వస్తారు. మొదటి ఆట పూర్తి అవ్వగానే, గేమ్ ఎలా ఉంటాడో తెలుసుకొని కూడా, గెలిస్తే జీవితాంతం డబ్బు సమస్య లేకుండా బ్రతకొచ్చు అనే ఆశతో గేమ్ లో కొనసాగడానికి రిస్క్ చేస్తారు. అలా ఈ ఆటలో అందరూ చనిపోయి, చివరికి హీరో ఒక్కడు మిగిలి డబ్బులు గెలుచుకుంటాడు. బయటకి వచ్చిన తర్వాత ఇలాంటి ప్రాణాంతక గేమ్స్ ఆడిస్తున్న వారిపై పగ తీర్చొని వాళ్ళ ఆటలను అరికట్టడానికి హీరో మళ్ళీ రీ ఎంట్రీ ఇస్తాడు. ఆ తర్వాత ఏమి జరిగిందో తెలియాలంటే సీజన్ 2 చూడాల్సిందే.
