Shyam Singha Roy: నేచురల్ స్టార్ నాని హీరోగా రాహుల్ సాంకృత్యాన్ దర్శకత్వంలో తెరకెక్కుతోన్న సినిమా శ్యామ్ సింగరాయ్. ఈ సినిమాలో సాయి పల్లవి, మడోన్నా సెబాస్టియన్, కృతి శెట్టి హీరోయిన్లుగా నటిస్తున్నారు. 1970లో జరిగిన కథ నేపథ్యంలో ఈ సినిమా సాగుతుంది. నిహారిక ఎంటర్‌టైన్‌మెంట్స్‌పై ప్రొడక్షన్ నంబర్ 1గా వెంకట్ బోయనపల్లి ఈ చిత్రాన్ని నిర్మిస్తున్నారు. ఈ చిత్రానికి సంగీతం మిక్కీ జె. మేయర్ సంగీతం అందిస్తున్నారు.కాగా, ఇటీవలే విడుదలైన ట్రైలర్తో సినిమాపై భారీగా అంచనాలు పెరిగిపోయాయి. ఈ సినిమా డిసెంబరు 24న ప్రేక్షకుల ముందుకు రానుంది.
వరుసగా వచ్చిన సినిమాల్లో పెద్దగా హిట్ సాధించలేని నాని.. ఈ సినిమా మీదే ఆశలన్నీ పెట్టుకున్నాడు. నిజానికి ఈ సినిమా హిట్ కావడం నానికి చాలా అవసరం. తాజా సమాచారం ప్రకారం ఈ సినిమా సెన్సార్ పూర్తి చేసుకుంది. అయితే, సినిమా చాలా స్లోగా ఉందని టాక్. చాలా వరకూ బెంగాలీ భాషను చూపించడం.. మైనస్ అంటున్నారు. తెలుగువారికి నచ్చకపోయే ప్రమాదం ఉందని అంచనా.
అయితే, సెన్సార్ చెప్పిన మాటలు రివర్స్ అయ్యి భారీ హిట్ కొట్టిన సినిమాలూ చాలానే ఉన్నాయి. ఈ సినిమాలో నానితో పాటు సాయిపల్లవి కోసం వచ్చే ప్రేక్షకులు కూడా ఉన్నారు.ముందుగానే సాయిపల్లవికి లక్కీ హీరోయిన్ అనే పేరు కూడా ఉంది. మరి శ్యామ్ సింగరాయ్ సెన్సార్ టాక్ను అధిగమించి ఏమేరకు విజయాన్ని అందుకుంటాడో తెలియాలంటే డిసెంబరు 24 వరకు వేచి చూడాల్సిందే. ఈ సినిమాలో సాయిపల్లవితో పాటు కృతి శెట్టి, మడోనా సెబాస్టియన్ కూడా హీరోయిన్లుగా నటిస్తున్నారు.
