Mahesh Babu(10)
Mahesh Babu: మిర్చి సినిమాతో కమర్షియల్ డైరెక్టర్ గా మంచి గుర్తింపును సంపాదించుకున్న దర్శకుడు కొరటాల శివ… ఈ సినిమా ఇచ్చిన సక్సెస్ తో మహేష్ బాబుతో ‘శ్రీమంతుడు’ అనే సినిమా చేసి భారీ సక్సెస్ ను మూటగట్టుకున్నాడు. ఇక ఈ రెండు సినిమాల తర్వాత ఎన్టీఆర్ హీరోగా పెట్టి ‘జనతా గ్యారేజ్’ అనే సినిమా చేసి మరో విజయాన్ని తన ఖాతాలో వేసుకొని హ్యాట్రిక్ విజయాలను నమోదు చేసిన దర్శకుడిగా మంచి గుర్తింపును సంపాదించుకున్నాడు. ఇక ఆ తర్వాత మహేష్ బాబుతో చేసిన ‘భరత్ అనే నేను’ సినిమాను చేశాడు. ఈ సినిమా కూడా మంచి విజయాన్ని సాధించింది. ఇక ఈ సినిమా తర్వాత చిరంజీవితో చేసిన ఆచార్య సినిమా మాత్రం భారీ డిజాస్టర్ ను మూటగట్టుకోవడంతో కొరటాల శివ పేరు ఒక్కసారిగా డౌన్ ఫాల్ అయిపోయిందనే చెప్పాలి. ఇక ఇదే సమయంలో ఎన్టీఆర్ తో చేసిన దేవర సినిమా మంచి విజయాన్ని సాధిస్తుందని అందరు భావించారు. అయితే ఈ సినిమాకి పాజిటివ్ టాక్ వచ్చినప్పటికి కలెక్షన్ల విషయంలో మాత్రం చాలా వరకు వెనకబడిపోయిందనే చెప్పాలి. కొరటాల శివకి అలాగే జూనియర్ ఎన్టీఆర్ ఇద్దరికీ పాన్ ఇండియాలో పెద్దగా మార్కెట్ లేకపోవడమే దానికి కారణమని ట్రేడ్ పండితులు సైతం తేల్చి చెప్పేశారు…
ఇక ఇదిలా ఉంటే భరత్ అనే నేను సినిమా సమయంలో మహేష్ బాబు కి ఒక మాట ఇచ్చాడు. ఏ హీరోలు నీకు అందుబాటులో లేనప్పుడు ఒక కథ పట్టుకొని నా దగ్గరికి రా నేను నీతో సినిమా చేస్తా లైఫ్ లో ఎప్పటికి ఇది గుర్తుపెట్టుకో అని చెప్పాడు.
మరి కొరటాల శివ కి ఇప్పుడు స్టార్ హీరోలెవ్వరు డేట్స్ ఇచ్చే అవకాశం అయితే లేదు. కాబట్టి మరోసారి కొరటాల శివ మహేష్ బాబు తోని సినిమా చేస్తాడా అనే ప్రశ్నలైతే తలెత్తుతున్నాయి. ఇక ఏది ఏమైనా కూడా మహేష్ బాబు ఇప్పుడు రాజమౌళి ప్రాజెక్టులో లాకై ఉన్నాడు. కాబట్టి కొరటాల శివకి అవకాశాలు అయితే లేవు. మరి మళ్లీ మహేష్ బాబు ఫ్రీ అవ్వాలంటే దాదాపు మూడు సంవత్సరాల సమయం పడుతుంది.
ఈ మూడు సంవత్సరాల సమయంలో కొరటాల శివ ఎవరితో సినిమా చేయబోతున్నాడు అనేది తెలియాల్సి ఉంది…రాజమౌళి సినిమా తర్వాత అయిన మహేష్ బాబు కొరటాలకి అవకాశం ఇస్తాడా? లేదా అనేది కూడా తెలియాల్సి ఉంది. ఎందుకంటే అప్పటికే మహేష్ బాబు పాన్ వరల్డ్ హీరో అయిపోతాడు. కాబట్టి పాన్ ఇండియాలో కూడా పెద్దగా మార్కెట్ లేని కొరటాలను మహేష్ బాబు పట్టించుకునే అవకాశాలు కూడా లేనట్టుగా తెలుస్తుంది…
