Nagarjuna: సినిమా ఇండస్ట్రీలో సక్సెస్ రావడం చాలా కష్టం…కానీ ఒకసారి ఒక సినిమా తో హిట్ వస్తే మాత్రం ఆ కాంబినేషన్ కి ఇండస్ట్రీ లో మంచి గుర్తింపు ఉంటుంది. ఒక సూపర్ హిట్ అందించిన దర్శకుడికి గాని, హీరో కి గాని మంచి గుర్తింపు ఏర్పడుతుంది. ఇక వాళ్ళ కాంబినేషన్ లో మరొక సినిమా ఎప్పుడు వస్తుందని ఆ కాంబో మీద ప్రేక్షకుల్లో మంచి అంచనాలు అయితే ఉంటాయి. ఇక వాటిని నిలబెట్టుకోవడానికి హీరో డైరెక్టర్ ప్రతిసారి ఏదో ఒక వైవిధ్యమైన కథాంశంతో ప్రేక్షకుడిని థ్రిల్ చేస్తూ ఉంటారు.
ఇక ఇది ఇలా ఉంటే 90 వ దశకం లో చిరంజీవి, నాగార్జున, బాలకృష్ణ, వెంకటేష్ లాంటి స్టార్ హీరోలు మంచి విజయాలను అందుకున్నారు. అయితే ఒక స్టార్ డైరెక్టర్ మాత్రం చిరంజీవి, వెంకటేష్, బాలకృష్ణ లకు సూపర్ డూపర్ సక్సెస్ లని అందించాడు. కానీ నాగార్జునకి మాత్రం ఫ్లాప్ లను అందించాడు. ఆ దర్శకుడు ఎవరు అంటే బి గోపాల్…తెలుగులో ఈయన మాస్ డైరెక్టర్ గా మంచి గుర్తింపును సంపాదించుకున్నాడు. ముఖ్యంగా బాలయ్య బాబు సినిమాలతో సూపర్ డూపర్ సక్సెస్ లను అందుకోవడంతో పాటుగా, ఈయనకి మాస్ డైరెక్టర్ గా ప్రేక్షకుల్లో మంచి గుర్తింపు అయితే లభించింది.
చిరంజీవితో ఈయన స్టేట్ రౌడీ, ఇంద్ర లాంటి బ్లాక్ బస్టర్ హిట్స్ ని తీశాడు. అలాగే బాలయ్య బాబుకి రౌడీ ఇన్ స్పెక్టర్, లారీ డ్రైవర్, సమరసింహారెడ్డి, నరసింహ నాయుడు లాంటి భారీ ఇండస్ట్రీ హిట్లను అందించాడు. ఇక వెంకటేష్ కి బొబ్బిలి రాజా సినిమాతో ఆల్ టైం ఎవర్ గ్రీన్ హిట్ అయితే ఇచ్చాడు. కానీ నాగార్జునకు మాత్రం కలెక్టర్ గారి అబ్బాయి, విజయ్ లాంటి సినిమాలతో ఫ్లాప్ లను అందించాడు. ఇలా ఈ డైరెక్టర్ ని నమ్ముకొని నాగార్జున మాస్ సినిమాలను ట్రై చేసినప్పటికీ అవి పెద్దగా వర్కౌట్ అవ్వలేదు.
ఇక మిగిలిన ముగ్గురు స్టార్ హీరోల విషయంలో మాత్రం ఈయన సూపర్ సక్సెస్ లను అందించాడు…ఇక ప్రస్తుతం బి గోపాల్ సినిమాలు ఏమీ చేయకుండా ఖాళీగా ఉంటున్నాడు. ఇక వీలైతే మరో సినిమాని తెరకెక్కించే ప్రయత్నంలో ఉన్నాడు…