Vishwambhara release date: ‘వాల్తేరు వీరయ్య’, ‘భోళా శంకర్’ చిత్రాల తర్వాత మెగాస్టార్ చిరంజీవి(Megastar Chiranjeevi) మొదలు పెట్టిన చిత్రం ‘విశ్వంభర’. ‘బింబిసార’ వంటి భారీ బ్లాక్ బస్టర్ తర్వాత డైరెక్టర్ వశిష్ఠ తెరకెక్కించే సినిమా కావడంతో , ‘విశ్వంభర’ చిత్రం పై అప్పట్లో అంచనాలు భారీ రేంజ్ లో ఉండేవి. కానీ టీజర్ లో చూపించిన నాసిరకపు గ్రాఫిక్స్ పై సోషల్ మీడియా లో ఒక రేంజ్ లో ట్రోల్స్ పడడంతో, మరోసారి గ్రాఫిక్స్ పై రీ వర్క్ చేయడం కోసం , ఈ చిత్రం విడుదలని ఇన్ని రోజులు నిలిపేశారు. ఈ సినిమా షూటింగ్ పూర్తి అయ్యాక, చిరంజీవి ‘మన శంకర వరప్రసాద్ గారు’ చిత్రాన్ని పూర్తి చేసి , ఈ ఏడాది సంక్రాంతి కానుకగా విడుదల చేశారు కూడా. ఈ చిత్రం కమర్షియల్ గా ఎంత పెద్ద బ్లాక్ బస్టర్ అయ్యిందో అందరికీ తెలిసిందే. 300 కోట్ల రూపాయలకు పైగా గ్రాస్ వసూళ్లను రాబట్టింది ఈ చిత్రం.
ఈ సినిమా తర్వాత ‘విశ్వంభర’ చిత్రం విడుదల అవ్వబోతున్న సంగతి అందరికీ తెలిసిందే. అయితే ఇన్ని రోజులు ఎప్పుడు ఈ చిత్రాన్ని విడుదల చేయబోతున్నారు అనేది మేకర్స్ ఖరారు చెయ్యలేదు. కారణం VFX కి సంబంధించిన కొన్ని షాట్స్ ఇంకా డెలివరీ అవ్వకపోవడం వల్లే. అయితే రీసెంట్ గానే ఆ షాట్స్ మొత్తం పూర్తి స్థాయిలో డెలివరీ అయ్యాయి అట, దీంతో మేకర్స్ ఇప్పుడు విడుదల తేదీని లాక్ చేసినట్టు తెలుస్తోంది. అందుతున్న విశ్వసనీయ వర్గాల సమాచారం ప్రకారం ఈ చిత్రాన్ని జులై 10 న విడుదల చెయ్యాలని అనుకుంటున్నారట. త్వరలోనే ఒక సరికొత్త టీజర్ ద్వారా ఈ విడుదల తేదీని అధికారికంగా ప్రకటించి, ప్రమోషనల్ కంటెంట్ ని ఒక్కొక్కటిగా విడుదల చెయ్యాలని చూస్తున్నారట మేకర్స్. ఇదంతా పక్కన ప్రేక్షకుల్లో , అభిమానుల్లో విపరీతమైన అంచనాలను ఏర్పాటు చేసుకున్న రామ్ చరణ్ ‘పెద్ది’ చిత్రం జూన్ 25 న విడుదల కాబోతున్నట్టు సమాచారం.
ముందుగా మార్చి 27 న విడుదల చేద్దామని అనుకున్నారు, ఆ తర్వాత ఏప్రిల్ 30 కి వాయిదా వేశారు, ఇప్పటికీ కొన్ని పోస్ట్ ప్రొడక్షన్ వర్క్స్ పెండింగ్ ఉండడం తో ఏకంగా జూన్ 25 కి వాయిదా వెయ్యాలని ఫిక్స్ అయ్యారట మేకర్స్. అదే కనుక నిజమైతే, తండ్రి కొడుకుల మధ్య బాక్స్ ఆఫీస్ పోరు ని చూడబోతున్నాము అనే అనుకోవచ్చు. గతం లో రామ్ చరణ్ #RRR రన్నింగ్ లో ఉన్నప్పుడే చిరంజీవి ‘ఆచార్య’ విడుదలైంది. ఈ సినిమా ఎంతటి ఘోరమైన పరాజయాన్ని అందుకుందో ప్రత్యేకించి చెప్పనవసరం లేదు. ఇప్పుడు ‘విశ్వంభర’ ని కూడా అలా విడుదల చేస్తే అదే ఫలితం రిపీట్ అవుతుంది అనడంలో ఎలాంటి సందేహం లేదు. ఎందుకంటే ‘విశ్వంభర’ అనే చిత్రం ఉందనే విషయం మెగా ఫ్యాన్స్ కూడా మర్చిపోయారు. ఇలా పాడుబడిన సినిమాలకు బాక్స్ ఆఫీస్ వద్ద ఆడియన్స్ నుండి ఎలాంటి రెస్పాన్స్ వచ్చిందో ఈమధ్య కాలంలోనే చాలా ఉదాహరణలు చూశాము. ‘విశ్వంభర’ పరిస్థితి కూడా అంతే అని అంటున్నారు విశ్లేషకులు.
