దాంతో ఈ ఏడాది తన నుండి రెండు చిత్రాలను విడుదల చేద్దామని ప్లాన్ చేసుకున్న వెంకటేష్ ప్లాన్ పూర్తిగా రివర్స్ అయింది. నిజానికి వెంకీ ఏడాదికి ఒక్క సినిమా కన్నా ఎక్కువుగా చెయ్యకూడదు అనుకున్నాడు. కానీ అనుకోకుండా ఈ ఏడాది ఏకంగా మూడు సినిమాలలో నటించాల్సి వచ్చింది. ఆ మూడు సినిమాలు దృశ్యం 2, ఎఫ్ 3, నారప్ప. విచిత్రంగా ఈ మూడు సినిమాలలో ఒకటి సీక్వెల్ కాగా, రెండు రీమేక్.
అందుకే మూడు సినిమాల పై మంచి అంచనాలు ఉన్నాయి. వెంకీ మార్కెట్ తో సంబంధం లేకుండా బిజినెస్ కూడా బాగా అవుతుంది, అందుకే ఈ చిత్రాల కోసం వెంకీ స్పెషల్ కేర్ తీసుకోక తప్పడం లేదు. ఎలాగూ “దృశ్యం 2”, “నారప్ప” సినిమాలు షూటింగ్ కూడా పూర్తి చేసుకొని రిలీజ్ కు సిద్ధంగా ఉన్నాయి కాబట్టి, ఆ సినిమాల కోసం ఇప్పుడు వెంకీ కొత్త రకం ప్రమోషన్స్ చేయాల్సి వస్తోంది.
జులైలో నారప్పను రిలీజ్ చేయడానికి సురేష్ బాబు ప్రయత్నాలు చేస్తున్నారు. ఈ లోపే వెంకీతో నారప్పకు సంబంధించి కొత్తగా ప్రమోషన్స్ చేయాలని సురేష్ బాబు నారప్ప టీమ్ కి మెసేజ్ లు పాస్ చేశారు. అయితే తన సినిమాని తానే ప్రమోట్ చెయ్యాలంటే వెంకీకి చిరాకు, ఈ ప్రమోషన్స్ విషయంలో ఈ సీనియర్ స్టార్ తర్జన భర్జన పడుతూ ఎవ్వరికీ టచ్ లో లేకుండా అందరికీ దూరంగా ఉంటున్నాడట. పూర్తిగా ఆధ్యాత్మిక చింతనతోనే ఎక్కువగా గడిపేస్తున్నాడట.
