Ustaad Bhagat Singh Pre Release Event Details: పవర్ స్టార్ పవన్ కళ్యాణ్(Deputy CM Pawan Kalyan) హీరో గా నటించిన ‘ఉస్తాద్ భగత్ సింగ్'(Ustaad Bhagat Singh) చిత్రం ఈ నెల 26 న విడుదల చేయబోతున్న సందర్భంగా, ఈ చిత్రానికి సంబంధించిన అప్డేట్స్ ఇప్పుడు ఒక్కొక్కటిగా బయటకు వస్తున్నాయి. నిన్న ఈ చిత్రానికి సంబంధించిన ఓవర్సీస్ డిస్ట్రిబ్యూటర్ అప్డేట్ అధికారికంగా బయటకు వచ్చింది. చాలా మంది ఈ సినిమా ఓవర్సీస్ థియేట్రికల్ రైట్స్ ని KGF మేకర్స్ హోమబుల్ ఫిలిమ్స్ సంస్థ దక్కించుకుంటుంది అనుకున్నారు కానీ, చివరికి ‘ఓజీ’ చిత్రాన్ని ఓవర్సీస్ లో రిలీజ్ చేసిన ‘ప్రత్యంగిరా సినిమాస్’ ఈ చిత్రాన్ని విడుదల చేయబోతుంది. అదే విధంగా ఈ సినిమాకు సంబంధించిన మూడవ పాట ప్రోమోని ఈ నెల 4 న విడుదల చేయబోతున్నారు. ఈ పాట కోసం ఫ్యాన్స్ చాలా ఆతృతగా ఎదురు చూస్తున్నారు. ఎందుకంటే ఈ పాట హిట్ అవ్వడం తప్పనిసరి.
Also Read: బిఆర్ నాయుడు రూపంలో కూటమికి కొత్త తలనొప్పి!
వారం రోజుల క్రితం విడుదల చేసిన #AuraOfUstaad పాటకు మిశ్రమ స్పందన లభించింది. అభిమానులు సైతం ఈ పాటపై తీవ్రమైన విమర్శలు చేస్తూ రచయితా చంద్రబోస్ , మ్యూజిక్ డైరెక్టర్ దేవిశ్రీప్రసాద్ పై అసంతృప్తి వ్యక్తం చేస్తున్నారు. ఇలాంటి సమయం లో ఈ సినిమా నుండి చార్ట్ బస్టర్ సాంగ్ రావాల్సిన అవసరం ఎంతైనా ఉంది. అందుకే ఈ పాట హిట్ అవ్వాలని అభిమానులు గట్టిగ కోరుకుంటున్నారు. ఇది కాసేపు పక్కన పెడితే ఈ చిత్రానికి సంబంధించిన ప్రీ రిలీజ్ ఈవెంట్ గురించి ఇప్పుడు సోషల్ మీడియా లో ప్రచారం అవుతున్న వార్త బాగా వైరల్ అవుతోంది. హైదరాబాద్ లో ఈ నెల 19 న ఈ చిత్రానికి సంబంధించిన ప్రీ రిలీజ్ ఈవెంట్ ని గ్రాండ్ గా ఏర్పాటు చేయబోతున్నారు మేకర్స్. ఈ ఈవెంట్ కి గ్లోబల్ స్టార్ రామ్ చరణ్, మెగాస్టార్ చిరంజీవి ముఖ్య అతిథులుగా రాబోతున్నట్టు తెలుస్తోంది.
ఇలా ముగ్గురు మెగా హీరోలను ఒకే ఈవెంట్ లో చూసి చాలా రోజులు అయ్యింది. చివరి సారిగా ఈ ముగ్గురు కనిపించింది ‘సైరా నరసింహా రెడ్డి ‘ ప్రీ రిలీజ్ ఈవెంట్ లోనే. ఆ తర్వాత కుటుంబం లో జరిగిన ఈవెంట్స్ కి ముగ్గురు కలిసి హాజరయ్యారు కానీ, ఇలా అభిమానులు పాల్గొనే మీటింగ్స్ లో మాత్రం రాలేదు. కాబట్టి మార్చి 19 న జరగబోయే ఈ ప్రీ రిలీజ్ ఈవెంట్ మెగా ఫ్యాన్స్ కి ఎంతో స్పెషల్. గతంలో పవన్ కళ్యాణ్ , హరీష్ శంకర్ కాంబినేషన్ లో తెరకెక్కిన ‘గబ్బర్ సింగ్ ‘ ప్రీ రిలీజ్ ఈవెంట్ కి ముఖ్య అతిథిగా మెగాస్టార్ చిరంజీవి విచ్చేశాడు. ఈ సినిమా కమర్షియల్ గా ఎంత పెద్ద హిట్ అయ్యిందో మన అందరికీ తెలిసిందే. ఇప్పుడు మళ్లీ అదే కాంబినేషన్ లో తెరకెక్కిన ‘ఉస్తాద్ భగత్ సింగ్’ చిత్రానికి కూడా మెగాస్టార్ చిరంజీవి ముఖ్య అతిథిగా రాబోతున్నాడు. ఈ సినిమాకు కూడా అదే మ్యాజిక్ రిపీట్ అవుతుందా లేదా అనేది చూడాలి.
