Upasana: సమంతకు తెలిసిన వాళ్లు ఎంతో మంది ఉన్నప్పటికీ.. సన్నిహితులుగా కొంతమంది మాత్రమే ఉంటారు. కాగా, మెగా పవర్స్టార్ రామ్చరణ్ భార్య ఉపాసన- సమంతల స్నేహం గురించి అందరికీ తెలిసిందే. ఫిట్నెస్, ఆరోగ్యం, మహిళా శక్తి వంటి ఎన్నో విషయాల్లో వీరిద్దరూ కలిసి పనిచేశారు. ఇద్దరిని పక్కపక్కన చూస్తే.. ఆలోచనలు ఒకేలా కనిపిస్తాయి. ఈ క్రమంలోనే ఉపాసన- సామ్కు మధ్య మంచి స్నేహం ఎర్పడింది. గతంలో ఉపాసన సొంత వెబ్సైట్ అయిన యువర్ లైఫ్.కో.ఇన్కు సామ్ గెస్ట్ ఎడిటర్గా వ్యవహరించారు. ఇటీవలే ఓ ఇంటర్వ్యూలో మాట్లాడిన ఉపాసన.. సమంతపై తనకున్న అభిప్రాయంపై పలు ఆసక్తికర వ్యాఖ్యలు చేసింది.
తాను తెలంగాణలో పుట్టిన అమ్మాయినని. దసరా వంటి పండుగల సమయంలోనూ మాంసం తినడం తనకు ఇష్టమని అన్నారు. అయితే, సామ్ ఆర్టికల్స్ ఎడిట్ చేసిన తర్వాత మాంసం తినడం చాలా వరకు తగ్గించినట్లు తెలిపారు. సమంతలో సాయం చేసే గుణం ఉందని అన్నారు. ఎన్నో విషయాల్లో తనకు సామ్ అండగా నిలిచిందని అన్నారు. సమంతది నిజమైన ప్రేమ అని చెప్పింది ఉపాసన. ప్రస్తుతం ఉపాసన వ్యాఖ్యలు నెట్టింట వైరల్గా మారాయి.
కాగా, ఇటీవల సామ్- చైతన్య విడాకులు తీసుకుంటున్నట్లు ప్రకటించిన సంగతి తెలిసిందే. ఆ తర్వాత ఇరువురు ఎవరి లైఫ్లో వారు ముందడుగు వేశారు. ప్రస్తుతం థాంక్యూ సినిమా షూటింగ్లో చైతన్య ఫుల్ బిజీగా గడుపుతున్నారు. మరోవైపు, సామ్ కూడా సినిమా, వెబ్సిరీస్లతో కెరీర్లో దూసుకెళ్తోంది.
