Prabhas
Prabhas : ప్రస్తుతం ఉన్నటువంటి స్టార్ హీరోలలో అత్యంత వేగంగా సినిమాలు చేస్తున్న హీరో రెబల్ స్టార్ ప్రభాస్. బాహుబలి సిరీస్ తర్వాత ఆయన సాహూ, రాధే శ్యామ్, ఆదిపురుష్, సలార్, కల్కి వంటి చిత్రాలు చేసాడు. వీటిల్లో సలార్, కల్కి చిత్రాలు భారీ హిట్స్ అయ్యాయి కానీ మిగిలిన సినిమాలు ఆశించిన స్థాయిలో ఆడలేదు. కానీ వసూళ్లు మాత్రం భారీగానే వచ్చాయి. ఆయన ఫ్లాప్ సినిమాలు తన తోటి స్టార్ హీరోల సూపర్ హిట్ సినిమాల గ్రాస్ లతో సమానంగా ఉండేవి. అయితే 5 ఏళ్లలో 5 సినిమాలు చేసిన ప్రభాస్, వచ్చే ఏడాది లో ఒకే నెలలో రెండు సినిమాలను విడుదల చేయబోతున్నాడు అనేది ఇప్పుడు సోషల్ మీడియా లో హాట్ టాపిక్ గా మారిన అంశం. పూర్తి వివరాల్లోకి వెళ్తే ప్రభాస్ ప్రస్తుతం డైరెక్టర్ మారుతీ తో చేస్తున్న ‘రాజా సాబ్’ చిత్రం వచ్చే ఏడాది ఏప్రిల్ 10 వ తారీఖున విడుదల కాబోతుంది.
ఈ సినిమా పై అంచనాలు కూడా భారీ రేంజ్ లోనే ఉన్నాయి. మొదట్లో మారుతీ తో సినిమా అంటే ప్రభాస్ అభిమానులు వ్యతికరేకించారు. కానీ ఎప్పుడైతే ప్రభాస్ పుట్టినరోజున ఈ సినిమాకి సంబంధించిన గ్లిమ్స్ వీడియో విడుదల చేయగా దానికి ఫ్యాన్స్ , ఆడియన్స్ నుండి సెన్సేషనల్ రెస్పాన్స్ వచ్చింది. ప్రభాస్ సరికొత్త లుక్ విశేషంగా ఆకట్టుకుంది. దీంతో అభిమానుల్లో ఈ చిత్రంపై అంచనాలు పెరిగింది. ఇది ఇలా ఉండగా ప్రభాస్ ‘కన్నప్ప’ చిత్రంలో ఒక ముఖ్య పాత్ర పోషిస్తున్న సంగతి తెలిసిందే. టైటిల్ పాత్రని మంచి విష్ణు చేయగా, ప్రభాస్ మహాశివుడి క్యారక్టర్ చేస్తున్నాడు. ఈయనకు సంబంధించిన ఫస్ట్ లుక్ ఇంకా విడుదల కాలేదు. ఇదంతా పక్కన పెడితే ఈ చిత్రం ఏప్రిల్ 25 వ తారీఖున విడుదల కాబోతుందట. దీనికి సంబంధించిన అధికారిక ప్రకటన నేడు మూవీ టీం చేసింది.
అంటే రాజాసాబ్ విడుదలైన రెండు వారాలకు ప్రభాస్ నటించిన ‘కన్నప్ప’ చిత్రం కూడా విడుదల కాబోతోంది అన్నమాట. ఇలా స్టార్ హీరోలు నటించిన రెండు సినిమాలు రెండు వారాల గ్యాప్ లో విడుదల అవ్వడం ఇటీవల కాలం లో జరగలేదు, కేవలం ప్రభాస్ విషయం లోనే అది జరుగుతుంది. అదే ఏడాది ఆయన హీరో గా నటించిన ‘సలార్ 2’ చిత్రం కూడా విడుదల కాబోతుంది. అంటే వచ్చే ఏడాది మూడు ప్రభాస్ సినిమాలు ప్రేక్షకుల ముందు రాబోతున్నాయి. కన్నప్ప చిత్రంలో ప్రభాస్ పాత్ర నిడివి ఎంత ఉంటుంది అనేదానిపై చర్చలు నడుస్తున్నాయి. అందుతున్న విశ్వసనీయ వర్గాల సమాచారం ప్రకారం ‘గోపాల..గోపాల’ చిత్రంలో పవన్ కళ్యాణ్ ఎంత సేపు అయితే కనపడుతాడో, ‘కన్నప్ప’ చిత్రంలో ప్రభాస్ కూడా అంతసేపు కనపడుతాడట. మంచు విష్ణు ఈ చిత్రం కోసం తన సర్వస్వం మొత్తం పెట్టేసాడు. సినిమా ఆయన అనుకున్న అంచనాలను అందుకుంటుందో లేదో చూడాలి.
