Prashant Neel
Prashant Neel : ఒకప్పుడు సౌత్ సినిమా ఇండస్ట్రీని బాలీవుడ్ ఇండస్ట్రీ వాళ్ళు చాలా తక్కువ చేసి చూసేవారు. ఎందుకంటే మన దగ్గర వచ్చే సినిమాల్లో క్వాలిటీ ఉండదని, మనవాళ్లు రొటీన్ రొట్ట ఫార్ములా సినిమాలను చేస్తూ ముందుకు సాగుతూ ఉంటారని వాళ్లు చాలా వరకు హేళన చేస్తూ మాట్లాడేవారు. ఇక కాలక్రమేణ రాజమౌళి పంటి స్టార్ డైరెక్టర్ తీసిన బాహుబలి సినిమా పెను ప్రభంజనాన్ని సృష్టించడంతో సౌత్ సినిమాల సత్తా ఏంటో వాళ్లకు తెలిసింది. దానికి తోడుగా కన్నడ సినిమా ఇండస్ట్రీ నుంచి కేజిఎఫ్, కాంతార లాంటి సినిమాలు వచ్చి బాలీవుడ్ ఇండస్ట్రీని షేక్ చేశాయి. ఇక మొత్తానికైతే సౌత్ సినిమాల గురించి బాలీవుడ్ మాఫియాకి మాట్లాడే అర్హత లేకుండా మనవాళ్ళు బ్యాక్ టు బ్యాక్ సక్సెస్ లను అందిస్తూ పాన్ ఇండియాని షేక్ చేస్తున్నారనే చెప్పాలి. ఇంకా ఇలాంటి క్రమంలోనే కేజిఎఫ్ లాంటి సినిమాతో భారీ సక్సెస్ ని అందుకున్న ప్రశాంత్ నీల్ సైతం మరోసారి సలార్ సినిమాతో బాలీవుడ్ ఇండస్ట్రీ ని షేక్ చేశాడు. ఇక ఇదిలా ఉంటే ప్రశాంత్ నీల్ యూనివర్స్ కింద ఆయన తెరకెక్కిస్తున్న అన్ని సినిమాలకు సంబంధించిన హీరోలను ఒక సినిమాలో కలిపి చూపించే ప్రయత్నం అయితే చేస్తున్నాడు. ఇక అందులో భాగంగానే ప్రశాంత్ యూనివర్స్ లో అందర్నీ భాగం చేయబోతున్నాడు అనే వార్తలు కూడా వినిపిస్తున్నాయి.
ఇక దానికి తగ్గట్టుగానే ప్రభాస్ ఎన్టీఆర్ ముగ్గురిని ఒక సినిమాలో కలిపి చూపించడానికి తను సిద్ధమవుతున్నట్టుగా కూడా వార్తలైతే వస్తున్నాయి. మరి ‘డ్రాగన్’ సినిమాలోనే వీళ్ళు ముగ్గురు కలిసి కనిపించబోతున్నారా లేదంటే ఈ సినిమా తర్వాత వచ్చే ‘సలార్ 2’ సినిమాలో వీళ్ళు ముగ్గురిని కలిపి చూపించబోతున్నారా అనేది తెలియాల్సి ఉంది.
ఇక ఏది ఏమైనా కూడా ప్రశాంత్ నీల్ వేసే స్కెచ్ చాలా ఎక్స్ ట్రా ఆర్డినరీ గా ఉండబోతున్నట్టుగా కూడా తెలుస్తోంది. ఇక మామూలుగా ఒక హీరోనే భారీ ఎలివేషన్స్ తో చూపించే ప్రశాంత్ నీల్ ముగ్గురు హీరోలు కలిసిన కలయికని ఇంకెంత ఎలివేషన్స్ తో చూపిస్తాడు అనేది ప్రేక్షకుల ఊహలకే వదిలేస్తున్నాము అన్నట్టుగా కొన్ని వార్తలైతే సోషల్ మీడియాలో విపరీతంగా చక్కర్లు కొడుతున్నాయి.
అయితే ప్రభాస్, ఎన్టీఆర్, యశ్ ముగ్గురు కూడా పాన్ ఇండియా హీరోలే కావడం విశేషం… ఇక వీళ్ళు ముగ్గురు కలిసిన సినిమా ఏదైతే ఉందో అది మాత్రం ఇండస్ట్రీ రికార్డులను బ్రేక్ చేయడమే కాకుండా కొత్త రికార్డులను కూడా సృష్టించే స్థాయికి వెళుతుందని చెప్పడంలో ఎంత మాత్రం అతిశయోక్తి లేదు…
