Pawan Kalyan comments on Vijay: `రీసెంట్ గా తమిళనాడు లో సినీ నటుడు విజయ్ సార్వత్రిక ఎన్నికల్లో సంచలన విజయం సాధించి ముఖ్యమంత్రి పీఠాన్ని అధిష్టించిన సందర్భంగా, సోషల్ మీడియా లో పవన్ కళ్యాణ్ , విజయ్ లను పోలుస్తూ కొంతమంది ఏ రేంజ్ ట్రోల్స్ వేసారో మన కళ్లారా చూశాము . అభిమానులు సైతం 2024 లో పవన్ కళ్యాణ్ వేవ్ తారా స్థాయిలో ఉన్నింది , రిస్క్ చేసి పోటీ చేసుంటే కచ్చితంగా సీఎం అయ్యేవాడేమో అని కామెంట్స్ చేశారు. మొత్తం మీద తమిళనాడు లో సీఎం గా విజయ్ బాధ్యతలు చేపట్టడం , పవన్ కళ్యాణ్ పై సీఎం అవ్వాలనే ఒత్తిడి అభిమానుల నుండి తీవ్రస్థాయిలో మొదలైంది. అయితే నేడు ఆయన కార్యకర్తలతో ఏర్పాటు చేసిన ఆత్మీయ సమావేశం లో ఈ విషయం పై చాలా ఘాటుగానే స్పందించాడు.
ఆయన మాట్లాడుతూ ‘రీసెంట్ గానే పక్క రాష్ట్రంలో ఒకరు పార్టీ ని స్థాపించి , ముఖ్యమంత్రి అయిపోయారని, మీరు కూడా అలాగే అవ్వాల్సింది అంటూ ఎన్నో వేల మెసేజిలు వచ్చాయి. ఊర్లో పెళ్ళికి అదేదో హడావిడి అంటారు కదా, అలాగే ఉన్నాయి మీ మాటలు. మన రాష్ట్రంలో పరిస్థితులు ఎలాంటివో చూసి కూడా ఇలాంటి వ్యాఖ్యలు ఎలా చేస్తారు, పోనీ మీ మాటకు తగ్గట్టుగానే 2019 లో పోటీ చేస్తే ఏమి చేశారు , రెండు చోట్ల ఓడించారు. మన రాష్ట్ర పరిస్థితులను చూసి దశాబ్దం కాలం వరకు నలుగుతాను అని ఊహించే రాజకీయాల్లోకి అడుగుపెట్టాను. పదవి కోసం నేను ఏనాడూ కూడా రాజకీయాలు చెయ్యాలని అనుకోలేదు. అలా అనుకుంటే 2009 లోనే ఎంపీ గా పోటీ చేసి ఉండేవాడిని. 2014 లో ఎన్డీయే తో కలిసి ఉన్నప్పుడు , మల్కాజ్ గిరి స్థానం నుండి నేను పోటీ చేయాల్సి ఉంది , కానీ నాకు పార్టీ ని నడపడం ముఖ్యం, పార్టీ ని స్థాపించినప్పుడు నాతో పాటు నడిచిన వాళ్ళు , ఈరోజు చాలా మంది లేరు. ఓడిపోయిన వెంటనే పారిపోయారు. నాతో మొదటి నుండి ప్రయాణం చేసింది కేవలం జనసైనికులు మాత్రమే’ అంటూ చెప్పుకొచ్చాడు. సోషల్ మీడియా లో బాగా వైరల్ అవుతున్న ఈ వీడియో ని మీ కోసం క్రింద అందిస్తున్నాము చూడండి.
