Peddi 10 Days Worldwide Collections: గ్లోబల్ స్టార్ రామ్ చరణ్ నటించిన ‘పెద్ది’ చిత్రం , బాక్స్ ఆఫీస్ వద్ద మరో సరికొత్త మైలు రాయిని దాటింది. మన టాలీవుడ్ లో అత్యంత ప్రతిష్టాత్మకంగా భావించే 300 కోట్ల గ్రాస్ క్లబ్ లోకి ఈ చిత్రం గ్రాండ్ గా ఎంట్రీ ఇచ్చింది. మేకర్స్ ఈ చిత్రం కేవలం 8 రోజుల్లో 366 కోట్ల రూపాయిల వసూళ్లను రాబట్టినట్టు పోస్టర్లు వేశారు కానీ , అందులో ఎలాంటి నిజం లేదు. ప్రతీ నిర్మాత తమ సూపర్ హిట్ సినిమాకు చేసినట్టుగా, ‘పెద్ది’ నిర్మాతలు కూడా చేశారంతే. కానీ క్లోజింగ్ లో మాత్రం ఈ చిత్రం 366 కోట్ల రూపాయిల గ్రాస్ వసూళ్లను రాబట్టే అవకాశం ఉందని అంటున్నారు ట్రేడ్ విశ్లేషకులు. ఇకపోతే నేటి నుండి ఈ చిత్రానికి మామూలు రేట్స్ లోనే టిక్కెట్స్ అందుబాటులోకి రానుంది. కాబట్టి ఫ్యామిలీ ఆడియన్స్ , రిపీట్ గా చూసే ఆడియన్స్ బాగా పెరిగే అవకాశాలు ఉన్నాయి.
ట్రేడ్ విశ్లేషకులు అందిస్తున్న సమాచారం ప్రకారం చూస్తే , ఈ చిత్రానికి 10 వ రోజున తెలుగు రాష్ట్రాల నుండి దాదాపుగా 3 కోట్ల 65 లక్షల రూపాయిల షేర్ వసూళ్లు వచ్చినట్టు తెలుస్తోంది. అంటే గ్రాస్ వసూళ్లు దాదాపుగా 8 కోట్ల రూపాయిల వరకు ఉండొచ్చు. ఇక వరల్డ్ వైడ్ గా గ్రాస్ వసూళ్లు 9 కోట్ల రూపాయిల వరకు ఉండే అవకాశాలు ఉన్నాయట. ఓవరాల్ గా ఈ చిత్రానికి వరల్డ్ వైడ్ గా 305 కోట్ల రూపాయలకు పైగా గ్రాస్ వసూళ్లు వచ్చాయి. షేర్ వసూళ్లు దాదాపుగా 182 కోట్ల వరకు ఉండొచ్చని అంచనా. నైజాం , ఈస్ట్ గోదావరి , కృష్ణ , గుంటూరు , ఉత్తరాంధ్ర జిల్లాల్లో ఈ సినిమా బ్రేక్ ఈవెన్ మార్కుని అందుకుంది. మిగిలిన ప్రాంతాల్లో నేడు బ్రేక్ ఈవెన్ మార్కుకి దగ్గరగా వెళ్లే అవకాశాలు ఉన్నాయి.
కానీ ఏమైందో ఏమో తెలియదు కానీ , ఈ చిత్రం ఓవర్సీస్ మార్కెట్స్ లో మాత్రం దారుణమైన డిజాస్టర్ ఫ్లాప్ గా నిల్చింది. 10 రోజుల్లో ఈ చిత్రానికి 5 మిలియన్ డాలర్ల గ్రాస్ వసూళ్లు వచ్చాయి. ఈ స్థాయి వసూళ్లు , కేవలం ప్రీమియర్స్ + మొదటి రోజు నుండి వస్తుందని అంచనా వేశారు ట్రేడ్ విశ్లేషకులు. కానీ చివరికి అది క్లోజింగ్ లో వచ్చింది. 10 మిలియన్ డాలర్లకు ప్రీ రిలీజ్ బిజినెస్ జరిగితే , 50 శాతం నష్టాలు వచ్చాయి. ఇది సాధారణమైన విషయం కాదు. అదే విధంగా నార్త్ ఇండియా లో కూడా ఈ చిత్రం దారుణమైన డిజాస్టర్ గా నిల్చింది. ఇప్పటి వరకు కేవలం పాతిక కోట్ల రూపాయిల గ్రాస్ మాత్రమే వచ్చింది. అక్కడ బ్రేక్ ఈవెన్ అవ్వాలంటే కనీసం 80 కోట్ల గ్రాస్ వసూళ్లు రావాలి. ఓవరాల్ గా ఈ సినిమా లాంగ్ రన్ లో ఎక్కడ దాకా వెళ్లి ఆగుతుందో చూడాలి.
