Ileana: గోవా బ్యూటీ ఇలియానా సినిమాలకు గ్యాప్ ఇస్తే, చివరికి ఆ గ్యాపే కెరీర్ ఎండ్ కి రీజన్ అయిపోయింది. ఎలాగూ వయసు కూడా 35 దాటేస్తుంది. నిజానికి ఐదేళ్ల క్రితమే ఇలియానా పెళ్లి ఆలోచన చేసింది. కానీ కాలం కలిసి రాక, పెళ్లి కాలేదు. కరెక్ట్ ఏజ్ లో పెళ్లి అయి ఉంటే.. ఇలియానా కూతురు కూడా ఈ పాటికి చైల్డ్ ఆర్టిస్ట్ గ్రాండ్ గా ఎంట్రీ ఇచ్చి ఉండేది. కానీ ఏమి చేస్తాం, ఇంకా ఇలియానాకి పెళ్లి కాకపాయే.
ఒకపక్క ఇలియానా పెళ్లి అంటూ, మరోపక్క ఇలియానా సైడ్ బిజినెస్ అంటూ ఆమె పై పుకార్లు పుట్టుకొస్తూనే ఉన్నాయి. తాజాగా పెళ్లి విషయం పై ఓ నెటిజన్ అడిగిన ప్రశ్నకు ఇలియానా సమాధానం చెబుతూ ‘పెళ్లి ఆలోచన ఉంది, కానీ వరుడు దొరకాలి కదా’ అంటూ చెప్పుకొచ్చింది. అయితే, గత కొన్నేళ్లుగా సోషల్ మీడియాలో ఇలియానా పెళ్లి పై అనేక రూమర్స్ వినిపించాయి.
ఓ సందర్భంలో పెళ్లి అయిపోయిందని, ఆమె గర్భవతి కూడా అని ఓ వార్త తెగ వైరల్ అయింది ఆ మధ్య. ఇందులో నిజానిజాలు పరిస్థితి ఏమిటనేది పక్కన తన బాయ్ ఫ్రెండ్ తో ఇలియానా రహస్య వివాహం చేసుకుందని.. దాని ఫలితంగా ఆమె గర్భం కూడా దాల్చింది అని, అందుకే మధ్యలో ఇలియానా సంవత్సరం పాటు ఎవరికీ అందుబాటులో లేదనే వార్త బలంగా వినిపించింది.
కానీ ఆ తర్వాత బాయ్ ఫ్రెండ్ తో గొడవలు కారణంగా అతనితో ఇలియానా విడిపోయింది. అయితే, ఇలియానా మాత్రం తనకు అప్పుడు గర్భం రాలేదు అంటుంది. ఇక కొంత కాలంగా సినిమాల్లో మళ్ళీ బిజీ అవాలని ప్రయత్నాలు చేస్తోంది. ఇక తన లైఫ్ స్టైల్ పై, తన వ్యవహారాల తంతంగం పై గాసిప్ రాయుళ్లు ఎంత తాపత్రయ పడినా ఇలియానా మాత్రం ఎన్నడూ పట్టించుకున్న పాపాన పోలేదు.
ఏది ఏమైనా ఒకప్పుడు తెలుగు, తమిళ భాషల్లో వరుస సినిమాలతో టాప్ హీరోయిన్ గా ఒక వెలుగు వెలిగిన ఇలియానా అంటే.. ఇప్పటికీ అభిమానుల్లో ఫుల్ క్రేజ్ ఉంది. నిజానికి కొన్ని నెలల క్రితమే ఇలియానా ఓ సినిమా చేసుకునేందుకు ప్లాన్ చేసుకుంది. కాకపోతే సినిమాకి సైన్ చేసిన తర్వాత, ఆ సినిమా నుంచి ఆమెను తప్పించారు. వాస్తవానికి ఆ సినిమా నుంచి ఆమెను దూరం పెట్టడానికి కారణం.. ఇలియానా అడిగిన అదనపు రెమ్యునరేషనే అని తెలుస్తోంది.
Also Read: Ram Charan రామ్ చరణ్ – శంకర్ మూవీలో విలన్ గా… మలయాళ స్టార్ హీరో
