Vamshi Paidipally: తెలుగు సినిమా ఇండస్ట్రీలో డైరెక్టర్ గా తనకంటూ ఒక ప్రత్యేకమైన గుర్తింపును సంపాదించుకున్న దర్శకుడు వంశీ పైడిపల్లి… ఈయన చేసిన సినిమాలు చాలా వరకు మంచి విజయాలను అందుకున్నాయి. మొదట ఆయన ప్రభాస్ తో చేసిన మున్నా సినిమా యావరేజ్ గా ఆడినప్పటికీ ఆ తర్వాత ఎన్టీఆర్ తో బృందావనం, రామ్ చరణ్ తో ఎవడు, నాగార్జునతో ఊపిరి, మహేష్ బాబుతో మహర్షి, లాంటి సినిమాలతో మంచి విజయాలను అందుకున్నాడు.
అయితే విజయ్ తో చేసిన ‘వారసుడు ‘ సినిమా మాత్రం ఫ్లాప్ అయింది. ఇక దాంతో ఈయనకి అవకాశం ఇచ్చే హీరోలు కరువయ్యారు. ఇక ఆయన ఏం చేయాలో అర్థం కాక ప్రస్తుతానికి ఖాళీగానే ఉంటున్నాడు. వారసుడు వచ్చి దాదాపు సంవత్సరన్నర అవుతున్నప్పటికీ ఇంకా కూడా తను ఒక్క సినిమా కూడా స్టార్ట్ చేయలేదు. అయితే ఈయన చెప్పే కథలను వినడానికి ఏ హీరో కూడా ఇంట్రెస్ట్ చూపించట్లేదనే వార్తలైతే వస్తున్నాయి. ఇక ఇలాంటి క్రమంలోనే బాలీవుడ్ ఇండస్ట్రీకి చెందిన షహీద్ కపూర్ తో ఈయన సినిమా చేయబోతున్నాడు అనే వార్తలైతే వస్తున్నాయి.
అయితే ఇప్పటికే వంశీ పైడిపల్లి షాహిద్ కపూర్ ను కలిసి తనకు అద్భుతమైన కథను కూడా చెప్పినట్టుగా తెలుస్తుంది. మరి ఈ సినిమాతో అయిన వంశీ పైడిపల్లి ఒక భారీ సక్సెస్ ని అందుకొని మళ్లీ తెలుగులో ఉన్న స్టార్ హీరోలందరిని తన వైపు తిప్పుకుంటాడా? లేదా అనే అనుమానాలైతే వ్యక్తమవుతున్నాయి. ఇక మొత్తానికైతే ఆయన ఎంచుకున్న కథాంశం బాగానే ఉంటుంది. కానీ రొటీన్ సినిమా ఫార్మాట్ లో ఆయన సినిమాలు చేయడమే ఆయనకి చాలావరకు మైనస్ గా మారుతుందని చాలామంది విమర్శకులు సైతం వంశీ పైడిపల్లిని విమర్శిస్తూ ఉంటారు.
అయినప్పటికీ ఆయన తన రూటు మార్చుకోకుండా ఎప్పుడూ రోటీన్ స్టోరీలను ఎంచుకొని వెళ్తున్నాడు. ఈసారి కనక కొత్త పంథా లో ఆయన వెళ్ళినట్లైతే తప్పకుండా ఆయన డైరెక్టర్ గా సక్సెస్ అవుతాడు. మరి ఈ సినిమాతో ఆయన ఎలాంటి మ్యాజిక్ చేస్తాడు అనేది తెలియాలంటే మరి కొద్ది రోజులు వెయిట్ చేయాల్సిందే…
