Tollywood: ఒకప్పుడు హీరోలు సిల్వర్ స్క్రీన్ పై మాత్రమే నటించడానికి ప్రాముఖ్యత ఇచ్చేవారు. స్మాల్ స్క్రీన్ పై అంత మక్కువ చూపించేవారు కాదు. అయితే కాలం మారుతున్న కొద్దీ స్టార్ హీరోలు సైతం స్మాల్ స్క్రీన్ పై ఇంట్రెస్ట్ చూపిస్తున్నారు. వీరిలో చిరంజీవి, నాగార్జున ఇప్పటికే మీలో ఎవరు కోటీశ్వరుడు, బిగ్ బాస్ వంటి షోలతో అభిమానులను మెప్పించారు. ఈ మేరకు మేము తగ్గేది లే అంటూ సీనియర్ కథానాయికలు కూడా ఇప్పుడు స్మాల్ బుల్లితెరపై అలరించడానికి సిద్దం అవుతున్నారు. ఎవరి స్టైల్లో వాళ్లు ప్రేక్షకులను అలరించడానికి ప్రయత్నిస్తున్నారని చెప్పొచ్చు.
చిరంజీవి, నాగార్జున ఈ సీనియర్ కథానాయకులు ఇప్పటికే హోస్ట్ గా ప్రేక్షకులను అలరించారు. అయితే ఇదే రేసులో దూసుకొస్తున్నారు బాలయ్య. ఆయన హోస్ట్గా ఆహా ఓటిటి లో ” అన్ స్టాపబుల్ విత్ ఎన్ బి కే ” అనే టాక్ షో చేస్తోన్న సంగతి తెలిసిందే. అయితే ఈ టాక్ షో దీపావళికి ప్రేక్షకులను అలరించబోతోంది. ఈ మేరకు తాజాగా ఫస్ట్ ఎపిసోడ్ కు సంబంధించిన ప్రోమో కూడా రిలీజ్ అయ్యింది. ఈ ప్రోమో లో తనదైన శైలిలో బాలయ్య ఇరగదీశారని చెప్పాలి. ప్రస్తుతం ఈ ప్రోమో యూట్యూబ్ లో ట్రెండింగ్ లో కొనసాగుతుంది. .
తాజాగా సీనియర్ నటుడు వెంకటేష్ కూడా రానాతో కలిసి నెట్‌ఫ్లిక్స్‌ లో ఓ వెబ్ సిరీస్ చేస్తున్నారు. ఈ వెబ్ సిరీస్‌కు రానా నాయుడు అనే టైటిల్ పెట్టారు. అదే బాటలో మెగాస్టార్ చిరంజీవి కూడా త్వరలో ఓ వెబ్ సిరీస్‌లో నటించడానికి ఓకే చెప్పినట్టు సమాచారం.
