స్టార్ హీరోయిన్ కీర్తి సురేశ్ తెలుగు – తమిళ భాషల్లో ఒక సినిమా చేసింది. ఆ సినిమా పేరు ‘సానికాయిధమ్’. తెలుగులో ఇంకా పేరు పెట్టలేదు. ఈ సినిమాను ఓటీటీలో రిలీజ్ చేయాలనే మేకర్స్ ప్లాన్ చేస్తున్నారు. త్వరలోనే అధికారికంగా ప్రకటించనున్నారు. ఐతే, కీర్తి సురేష్ మెయిన్ లీడ్ గా వచ్చిన ఏ సినిమా ఇంతవరకు సక్సెస్ కాలేదు.
ఇక ‘వకీల్ సాబ్’లో కీలక పాత్రలో నటించిన అంజలి… ‘రామ్ చరణ్ – శంకర్’ పాన్ ఇండియా సినిమాలో కూడా ఓ కీలక పాత్రలో నటిస్తోందని వస్తోన్న వార్తల్లో ఎలాంటి నిజం లేదు. సంపూర్ణేశ్ బాబు ‘బజార్ రౌడీ’ సినిమా రిలీజ్ కి సిద్ధమైంది. రేపు ప్రేక్షకుల ముందుకు రాబోతుంది ఈ చిత్రం. పైగా 300 థియేటర్లలో ఈ సినిమా రిలీజ్ అవుతుండటం విశేషం.
దర్శకుడు మేర్లపాక గాంధీ డైరెక్షన్ లో నితిన్ హీరోగా రానున్న ‘మాస్ట్రో’ సినిమా 32 కోట్లకు ‘డిస్నీ హాట్ స్టార్’ వారు కొన్నారు. ‘వినాయకచవితి’ కానుకగా వచ్చే నెల 10వ తేదీన ఈ సినిమా ప్రసారం కానుంది.
ఆచార్య నుండి వచ్చిన ‘లాహే లాహే .. ‘ పాట మంచి విజయం సాధించింది. ఇప్పటి వరకు ఈ పాట 80 మిలియన్ల వ్యూస్ (80 million views) వచ్చాయి.
