Ranveer Singh threat call: ఈమధ్య కాలంలో బాలీవుడ్ సినీ ప్రముఖులకు బెదిరింపు ఫోన్ కాల్స్ ఎక్కువ అయిపోయాయి. సల్మాన్ ఖాన్ ని లారెన్స్ బిష్ణోయ్ అనే అతను చంపేస్తాము అని బెదిరించడం, అదే విధంగా సైఫ్ అలీ ఖాన్ ఇంట్లోకి కొంతమంది చొరబడి ఆయన్ని తీవ్రమైన గాయాలకు గురి చేయడం వంటివి బాలీవుడ్ లో ఎంతటి సెన్సేషనల్ టాపిక్ గా నిల్చిందో ప్రత్యేకించి చెప్పనవసరం లేదు. అదే విధంగా రీసెంట్ గా ప్రముఖ దర్శకుడు రోహిత్ శెట్టి ఇంటి వద్ద గుర్తు తెలియని కొంతమంది వ్యక్తులు కాల్పులు జరపడం పెద్ద కలకలం సృష్టించింది. దీంతో ముంబై పోలీసులకు ఇలా సెలబ్రిటీలకు వస్తున్న బెదిరింపుల దృష్ట్యా, సగం వాళ్లకు సెక్యూరిటీ ఇవ్వడానికే వాళ్లకు సగం సమయం అయిపోతుంది. ఇప్పుడు రీసెంట్ గా ఆ జాబితా లోకి ‘ధురంధర్’ హీరో రణవీర్ సింగ్ కూడా చేరిపోయాడు.
‘ధురంధర్’ సక్సెస్ ని ఎంజాయ్ చేయాల్సిన సమయంలో, బెదిరింపులను ఎగురుకుంటూ బిక్కుబిక్కుమంటూ భయపడే పరిస్థితి కి వచ్చాడు రణవీర్ సింగ్. పూర్తి వివరాల్లోకి వెళ్తే రీసెంట్ గానే రణవీర్ సింగ్ కి వాట్సాప్ లో ఒక బెదిరింపు వాయిస్ మెసేజ్ వచ్చిందట. ఆ వాయిస్ మెసేజ్ ద్వారా ఎవరో గుర్తు తెలియని వ్యక్తి రణవీర్ సింగ్ ని కోట్ల రూపాయిలను డిమాండ్ చేసినట్టు తెలిసింది. ఈ బెదిరింపుల వెనుక లారెన్స్ బిష్ణోయ్ హస్తం ఉండొచ్చని పోలీసులు అనుమానిస్తున్నారు. మంగళవారం రోజున ఈ ఘటన జరగడం తో రణవీర్ సింగ్ వెంటనే పోలీసులను ఆశ్రయించి, కంప్లైంట్ ఇచ్చాడు. దీంతో ఆయన ఉండే అపార్ట్మెంట్స్ లో చుట్టూ భారీ ఎత్తున బందోబస్తు పెంచారు పోలీసులు. అయితే ఇక్కడ సెక్యూరిటీ పటిష్టంగా ఉండడం వల్ల, అక్కడ నివసించే జనాలకు కాస్త తలనొప్పిగా మారింది.
బిల్డింగ్ లాబీ, జిమ్, మరియు పిల్లలు ఆదుకునే ప్రాంతాల్లో సెక్యూరిటీ సిబ్బంది తుపాకులతో తురుగుతూ ఉండడం వల్ల తమకు ఇబ్బందిగా ఉందని సొసైటీ మ్యానేజింగ్ కమిటీ పోలీసులకు లేఖ రాసింది. కేవలం రణవీర్ సింగ్ సెక్యూరిటీ కోసం ఇంతమందిని ఇబ్బందికి గురి చేయడం, ఎంతవరకు సబబు అంటూ పోలీసులను ప్రశ్నిస్తున్నారు. బిల్డింగ్ మొత్తం ఆయుధాలతో పహారా కాయడం వల్ల, రెసిడెంట్స్ భయాందోళనకు గురి అవుతున్నారని వారు పేర్కొన్నారు. ఇకపోతే రీసెంట్ గా రోహిత్ శెట్టి ఇంటిపై జరిపిన కాల్పుల ఘటనకు, రణవీర్ సింగ్ కి వచ్చిన వాయిస్ మెసేజ్ కి మధ్య ఏమైనా లింక్ ఉందా అనే కోణం లో పోలీసులు విచారణ చేస్తున్నారు. ఇకపోతే రణవీర్ సింగ్ హీరో గా నటించిన ‘ధురంధర్ 2 ‘ చిత్రం వచ్చే ఏడాది 19 న ప్రపంచవ్యాప్తంగా అన్ని ప్రాంతీయ భాషల్లో గ్రాండ్ గా విడుదల కాబోతుంది.
