Thalapathy Vijay Accident: మరో వారం రోజుల్లో తమిళనాడు సార్వత్రిక ఎన్నికలు జరగబోతున్న సందర్భంగా, రాజకీయ పార్టీలు హోరాహోరీగా ఎన్నికల ప్రచారం లో ఫుల్ బిజీ గా ఉన్నాయి. అయితే ఈ ఎన్నికల ప్రచారం లో అందరి దృష్టిని ఆకర్షిస్తున్న ఏకైక పార్టీ TVK. తమిళ సూపర్ స్టార్ విజయ్(Thalapathy Vijay) నేతృత్వం లో స్థాపించిన ఈ పార్టీ మొట్టమొదటిసారి ఎన్నికల్లో పాల్గొనబోతుంది. దీంతో విజయ్ ఎన్నికల ప్రచారాలకు జనాలు పోటెత్తుతున్నారు. అందుకు సంబంధించిన వీడియోలు సోషల్ మీడియా లో ఒక రేంజ్ లో చక్కర్లు కొడుతున్నాయి. జనాలకు దగ్గరయ్యే కార్యక్రమాలతో , ఆసక్తికరమైన ఉపన్యాసాలతో ప్రధాన పార్టీలకు విజయ్ వెన్నులో వణుకు పుట్టించేలా చేస్తున్నాడు. ఈ క్రమం లో నేడు ఆయన రైతులతో ఏర్పాటు చేసిన ఒక సదస్సులో , పెను ప్రమాదం జరగబోయింది. ఆయన కంటికి తీవ్రమైన గాయాలు అయ్యేవి , తృటిలో తప్పించుకున్నాడు.
పూర్తి వివరాల్లోకి వెళ్తే పార్టీ మ్యానిఫెస్టో ని రైతులకు విజయ్ వివరిస్తున్న సమయం లో , ఒక రైతు ని వేదిక పైకి పిలుస్తాడు. ఈ సందర్భంగా వరి పేరుతో పాటు, వేల్ జాతికి చెందిన చేపని కూడా తీసుకొస్తాడు ఆ రైతు. దానిని పైకి ఎత్తుకునే సమయం లో , విజయ్ కంటికి తగిలేంత పని అయ్యింది. కానీ విజయ్ వెంటనే అలెర్ట్ అవ్వడం తో ఈ ప్రమాదం నుండి తప్పించుకోగలిగాడు. ఇదే ఇప్పుడు హాట్ టాపిక్ గా మారిన అంశం. ఇక TVK పార్టీ విషయానికి వస్తే, తమిళనాడు లో అన్ని రాజకీయ పార్టీలు పొత్తు ద్వారా ఈ ఎన్నికల్లో పోటీ చేస్తుంటే, ఒక్క విజయ్ TVK మాత్రమే ఒంటరిగా 234 స్థానాల్లో పోటీ చేయబోతుంది. ఈ నెల 23 న ఎన్నికలు జరగబోతుండగా , మే 4 న ఎన్నికల ఫలితాలు బయటకు రానున్నాయి.
విజయ్ ని తమతో కలుపుకొని పోటీ చేయడానికి NDA కూటమి విశ్వప్రయత్నాలు చేసింది. నిజానికి విజయ్ అలా పోటీ చేస్తే , కచ్చితంగా NDA తో కలిసి అధికారాన్ని ఏర్పాటు చేయొచ్చు , మన పవన్ కళ్యాణ్ లాగా ప్రభుత్వం లో భాగస్వామి అయ్యి, ఉప ముఖ్యమంత్రి హోదాలో కూర్చోవచ్చు. కానీ విజయ్ అందుకు ఒప్పుకోలేదు. చర్చలు అయితే చాలా రోజులు జరిగాయి , NDA కూటమి 80 సీట్లు , డిప్యూటీ సీఎం పదవి ఆఫర్ చేశారు, కానీ విజయ్ మాత్రం వంద సీట్లు, రెండున్నర ఏళ్ళ పాటు ముఖ్యమంత్రి పదవి ని డిమాండ్ చేశారు. అందుకు NDA ఒప్పుకోకపోవడం తో , ఇప్పుడు విజయ్ ఒంటరిగా పోటీ చేస్తున్నాడు. మరి ఈ ఒంటరి పోరులో ఆయన ఏ మాత్రం ప్రభావం చూపిస్తాడో చూడాలి. అభిమానులు విజయ్ కచ్చితంగా గేమ్ చేంజర్ స్థానంలో నిలుస్తాడని బలంగా నమ్ముతున్నారు. మరి అంత సీన్ ఉందో లేదో తెలియాలంటే మే 4 వరకు ఆగాల్సిందే.
