Anil Ravipudi new movie villain: పటాస్ సినిమాతో దర్శకుడిగా మారిన అనిల్ రావిపూడి ఆ తర్వాత చేసిన సినిమాలతో ప్రేక్షకులను విశేషంగా అలరించాడు. ఇప్పటివరకు ఆయన చేసిన తొమ్మిది సినిమాల్లో తొమ్మిది సినిమాలు కూడా సూపర్ సక్సెస్ ని సాధించడం అంటే మామూలు విషయం కాదు. ఇప్పటికే ఈ సంవత్సరం సంక్రాంతి కానుకగా చిరంజీవితో చేసిన ‘మన శంకర్ వరప్రసాద్’ సినిమాతో 400 కోట్ల క్లబ్లో చేరిపోయాడు. ఇక ప్రస్తుతం వెంకటేష్ – కళ్యాణ్ రామ్ లను హీరోలుగా పెట్టి భారీ మల్టీ స్టారర్ సినిమా చేస్తున్నాడు. ఈ సినిమాలో విలన్ గా ఒక స్టార్ హీరో నటించబోతున్నాడు అనే వార్తలు వినిపిస్తున్నాయి. ఇక ఇంతకీ ఈ సినిమాలో విలన్ గా ఎవరిని తీసుకోబోతున్నారు అనే ధోరణిలో కొన్ని అభిప్రాయాలైతే వ్యక్తం అవుతున్నాయి. ప్రస్తుతం అందుతున్న సమాచారం ప్రకారం అయితే ‘ఆర్ఎక్స్ 100’ సినిమాలో హీరోగా నటించిన కార్తికేయ ఈ సినిమాలో విలన్ గా నటించబోతున్నాడట.
ఈ మధ్యకాలంలో కార్తీకేయ నుంచి ఏ సినిమాలో రావడం లేదు. అతను అసలు ఏం సినిమా చేస్తున్నాడు అనే ధోరణిలో కూడా కొన్ని అభిప్రాయాలైతే వ్యక్తమవుతున్నాయి. ఈ క్రమంలోనే అనిల్ రావిపూడి సినిమాలో విలన్ పాత్ర రావడంతో కార్తీకేయ ఆ క్యారెక్టర్ ను చేస్తానని ఒప్పుకున్నారట.
ఇప్పటికే హీరోగా కొన్ని సినిమాల ఒప్పుకున్న కార్తికేయ అటు హీరోగా చేస్తూనే ఇటు విలన్ గా కూడా రాణించడానికి ప్రయత్నం చేస్తున్నాడు. గతంలో ఆయన చేసిన ‘గ్యాంగ్ లీడర్’ సినిమాలో విలన్ గా నటించాడు. ఇక దాంతో పాటుగా తమిళంలో స్టార్ హీరో అయిన అజిత్ చేసిన వలిమై సినిమాలో కూడా తను విలన్ గా చేశాడు.
ఈ మూవీలో కూడా డిఫరెంట్ విలనిజాన్ని ప్రదర్శించాడు. ఇక ఏది ఏమైనా కూడా కార్తీకేయ ఈ మధ్యకాలంలో హీరోగా రాణించలేకపోతుండడం వల్లే ఆయన ఎక్కువగా సినిమాలు చేయలేకపోతున్నాడు. విలన్ గా ఆయన తన సత్తా చాటుకొని మరోసారి తెలుగు ప్రేక్షకులను అలరించాలనే ప్రయత్నంలో ఉన్నాడు…
