ఎప్పుడో పుష్కర కాలం క్రితం టాలీవుడ్ లోకి ఎంట్రీ ఇచ్చి ఇప్పటికీ సరైన గ్రాండ్ హిట్ లేక బోటాబోటీ హీరోగానే మిగిలిపోయాడు సందీప్ కిషన్. అయినా పట్టువదలని విక్రమార్కుడిలా సినిమాలు చేసుకుంటూ పోతూనే ఉన్నాడు.
తాజాగా సందీప్ కిషన్ , బాబీ సింహా హీరోలుగా జి.నాగేశ్వరరెడ్డి తెరకెక్కిస్తున్న చిత్రం ‘గల్లీ రౌడీ’. నేహా శెట్టి హీరోగా నటిస్తోంది. ఈ చిత్రం టీజర్ ను రౌడీ బాయ్ విజయ్ దేవరకొండ విడుదల చేయడం విశేషం. సినిమా టైటిల్ కూడా ‘గల్లీ రౌడీ’ కావడం గమనార్హం.
‘బాబు రావాలి..రౌడీ కావాలి.. అని విశాఖపట్నం ప్రజలంతా ఎదురుచూస్తున్నారు’ అనే డైలాగ్ తో ప్రారంభమైన ఈ టీజర్ ఆద్యంతం అలరిస్తుంది.. ఓ కిడ్నాప్ నేపథ్యంలో సాగే కథ ఇదీ అని తెలుస్తోంది. వెన్నెల కిషోర్, రాజేంద్ర ప్రసాద్ కామెడీ పండించారు. రౌడీని చేయాలన్న తండ్రి సంకల్పం ఏంటో అర్తం కాకుండా చివర్లో ఆసక్తికరంగా ముగించారు.
ఈ చిత్రాన్ని కోన ఫిల్మ్ కార్పొరేషన్, ఎంవీవీ సంయుక్తంగా నిర్మించారు. ఈ సినిమా త్వరలోనే ప్రేక్షకుల ముందుకు రానుంది.చౌరస్తా రామ్, సాయికార్తీక్ కలిసి సంగీతం అందిస్తున్నారు.
