Bigg Boss Host: దేశవ్యాప్తంగా వయస్సు తో సంబంధం లేకుండా ప్రతీ ఒక్కరు చూసే ఏకైక రియాలిటీ షో బిగ్ బాస్. ప్రపంచవ్యాప్తంగా ఈ రియాలిటీ షో ‘బిగ్ బ్రదర్’ అనే పేరుతో బాగా పాపులర్ అయ్యింది. ఈ కాన్సెప్ట్ ని ఎండమోల్ షైన్ సంస్థకు బాగా నచ్చడం తో ఇండియా లో కూడా ఈ షోస్ ని నిర్వహించడం మొదలు పెట్టారు. ముందుగా హిందీ లో సల్మాన్ ఖాన్ తో ప్రారంభించారు , రెస్పాన్స్ కనీవినీ ఎరుగని రేంజ్ లో వచ్చింది. ఇక ఆ తర్వాత కన్నడ , తెలుగు , మలయాళం, తమిళ భాషల్లో మొదలు పెట్టారు. అన్నిట్లోనూ బ్లాక్ బస్టర్ హిట్ అయ్యింది. ముఖ్యంగా మన తెలుగు ఆడియన్స్ ఈ రియాలిటీ షో కి బ్రహ్మరథం పట్టారు. జూనియర్ ఎన్టీఆర్ తో ఈ రియాలిటీ షో మొదలైంది. ఆ తర్వాత రెండవ సీజన్ కి నేచురల్ స్టార్ నాని హోస్ట్ గా వ్యవహరించారు.
ఇక మూడవ సీజన్ నుండి త్వరలో మొదలయ్యే 10 వ సీజన్ వరకు నాగార్జున నే హోస్ట్. అదే విధంగా తమిళం లో కమల్ హాసన్ 7 సీజన్స్ కి హోస్ట్ గా వ్యవహరించారు. గత రెండు సీజన్స్ నుండి విజయ్ సేతుపతి హోస్ట్ గా వ్యవహరిస్తున్నారు. ఇక హిందీ లో అయితే మొదటి నుండి సల్మాన్ ఖాన్ హోస్ట్ గా వ్యవహరిస్తూ వస్తుండగా , మలయాళం వెర్షన్ కి మోహన్ లాల్ , కన్నడ వెర్షన్ కి సుదీప్ హోస్టులుగా వ్యవహరిస్తున్నారు. ఇకపోతే ఈ ఏడాది బిగ్ బాస్ చరిత్రలోనే తొలిసారి తెలుగుతో పాటు హిందీ , తమిళం , కన్నడ , మలయాళం , బంగ్లా భాషల్లో ఒకేసారి ప్రారంభించబోతున్నారు అట. ఈ విషయాన్ని స్వయంగా జియో హాట్ స్టార్ సంస్థ అధికారికంగా తెలిపింది.
ఇక్కడ ఆసక్తికరమైన విషయం ఏమిటంటే బంగ్లా వెర్షన్ కి ప్రముఖ మాజీ ఇండియన్ కెప్టెన్ , క్రికెట్ దిగ్గజం గంగూలీ హోస్ట్ గా వ్యవహరించబోతున్నారు. ఇప్పటి వరకు సినీ తారలే హోస్ట్ గా వ్యవహరిస్తూ వచ్చారు , మొట్టమొదటిసారి ఒక లెజండరీ క్రికెటర్ హోస్ట్ గా వ్యవహరిస్తున్నారు. ఎంతో మంది దిగ్గజాలు ఉన్న టీం ఇండియా ని విజయవంతంగా నడిపించడమే కాకుండా, కోచ్ గా కూడా గంగూలీ ఎనలేని సేవలు అందించారు. అలాంటి లెజెండ్ 20 మంది కంటెస్టెంట్స్ ఉండే ఈ బిగ్ బాస్ రియాలిటీ షో ని ఎలా నడిపిస్తారో చూడాలి. ఒకేసారి అన్ని భాషల్లో లాంచ్ అవుతుంది కాబట్టి , 500 మిల్లియన్లకు పైగా వ్యూస్ ని ఈ రియాలిటీ షో కి ఆశిస్తున్నారు జియో హాట్ స్టార్ సంస్థ.
