tapsi pannu: ఝుమ్మంది నాధం సినిమాతో తెలుగు ప్రేక్షకులకు హీరోయిన్గా పరిచయమై.. సూపర్ పాపులారిటీని సొంతం చేసుకున్న బ్యూటీ తాప్సీ పన్ను. ఆతర్వాత వరుసగా హిట్ అందుకుంటూ అగ్ర కథానాయికల్లో ఒకరిగా స్థానం దక్కించుకుంది. అయితే, అటు తెలుగు సినిమాల్లో చేస్తూనే.. అకస్మాత్తుగా బాలీవుడ్కు షిప్ట్ అయ్యింది. ఈ క్రమంలోనే వైవిధ్యమైన చిత్రాలను చేస్తూ తనేంటో నిరూపించుకుంది. అలా అతి తక్కువ కాలంలోనే బాలీవుడ్ టాప్ హీరోయిన్లలో ఒకరిగా మారిపోయింది. మరోవైపు వెండితెరపైనే కాకుండా..డిజిటల్రంగంలోనూ ఓ వెలుగు వెలిగిపోతోంది.
హీరోయిన్గానే కాకుండా.. ప్రొడ్యూసర్గానూ మారి సినిమాలను నిర్మించేందుకు సిద్ధమైంది. అయితే, తాజాగా తాప్సీ ఓ షాకింగ్ కామెంట్స్ చేసింది. హీరోయిన్లకు పేరు వచ్చే సినిమాల్లో నటించేందుకు చాలా మంది హీరోలు ఇష్టపడరని తెలిపింది. ఈ క్రమంలోనే సినిమాల్లో పురుషాధిక్యత గురించి మాట్లాడుతూ.. ఓ సినిమాలో తనది డబుల్ రోల్ అని.. అందులో హీరో పాత్ర కోసం ఒక నటుడిని నిర్మాతలు సంప్రదించగా.. ఆ హీరో ఒప్పుకోలేదని చెప్పింది.
నిజానికి ఆయన తనతో అంతుకుముందే ఒక సినిమాలో నటించారని తెలిపింది. అతనొక పెద్ద స్టార్ అని కుడా పేర్కొంది. అయినప్పటికీ తనతో నటించడానికి ఆ హీరో అభద్రతగా ఫీల్ కావడం బాధాకరమని తెలిపింది. ప్రేక్షకుల మార్కులు హీరోయిన్ పాత్రకు పడతాయనే ఆ హీరో సినిమా చేయడానికి ఇష్టపడలేదని చెప్పి బాంబు పేల్చింది.