Suma: బుల్లితెరపై ఎంతమంది యాంకర్లు వచ్చినా సుమను మించి క్రేజ్ ను సంపాదించుకున్న మరో యాంకర్ లేరనే చెప్పాలి. ఒకానొక దశలో ఈ ఛానల్ ఆ ఛానల్ అనే తేడాల్లేకుండా అన్ని ఛానెళ్లలో సుమ షోలు ప్రసారమయ్యాయనే సంగతి తెలిసిందే. 17 సంవత్సరాల క్రితం అవాక్కయ్యారా షోతో బుల్లితెరపై సుమకు భారీస్థాయిలో గుర్తింపు రాగా ఆ తర్వాత సుమ వెనక్కు తిరిగి చూసుకోవాల్సిన అవసరం అయితే రాలేదని చెప్పాలి.
సుధీర్ కు, ప్రదీప్ కు పెళ్లవ్వకుండా పెళ్లైన ప్రోమోలు ఎన్ని పడ్డాయో ఎన్ని నా కళ్లతో చూశానో అంటూ సుమ పంచ్ వేశారు. నిఖిల్ ఈ షోలోకి వాళ్ల అమ్మతో ఎంట్రీ ఇవ్వగా నిఖిల్ అమ్మ తాను ప్రిన్సిపాల్ గా పని చేశానని ఎవరికీ తెలియని విషయాన్ని వెల్లడించారు. నిఖిల్ కు చిన్నప్పుడు గౌను వేశామని, పిలకలు పెట్టామని చెబుతూ నిఖిల్ అమ్మ ఈ ఈవెంట్ లో షాకింగ్ సీక్రెట్లను రివీల్ చేశారు.
సిద్ధు జొన్నలగడ్డ ఈ షోలో తన తల్లితో కలిసి ఎంట్రీ ఇచ్చారు. సిద్ధుకు స్పీడ్ ఎక్కువని ఏ పని చేసినా త్వరగా అయిపోవాలని చెప్పేవాడని ఆమె అన్నారు. అట్లుంటది మా అమ్మతోని అంటూ సిద్ధు జొన్నలగడ్డ షోలో తన డైలాగ్ తో అదరగొట్టారు. ఈ ప్రోమోకు ఏకంగా 9 లక్షలకు పైగా వ్యూస్ రావడం గమనార్హం.
