Jabardast: ఇటీవల కాలంలో కామెడీ షోలకు మంచి ప్రాధాన్యత లభిస్తోంది. ఇందుకు పెద్దపీట వేసింది మాత్రం జబర్దస్త్. ఈ షోతో ఎంతో మంది కమెడియన్లు, టెక్నిషియన్లు ప్రస్తుతం మంచి పొజిషన్లో ఉన్నారు. ఎన్నో ఆశలతో సినీ కళామతల్లి ఒడిలో అడుగుపెట్టి.. తమకున్న ట్యాలెంట్తో ప్రేక్షకులను కడుపుబ్బా నవ్వించి మెప్పించేందుకు ఈ ప్లాట్ఫామ్ ఎంతగానో ఉపయోగపడింది. ఈ జబర్దస్త్ ద్వారా పేరు గణించి.. సినిమాల్లో అవకాశాలు పొందిన ఆర్టిస్టులు చాాలా మంది ఉన్నారు. మరోవైపు, సినిమాల్లో ఛాన్స్లు లేకపోతే.. షో ద్వారా ఫేమస్ అవుతున్నవారూ ఉన్నారు.
ఈ క్రమంలోనే ఎంతో కష్టపడి తన కామెడీతో బుల్లితెర ప్రేక్షకుల హృదయాల్లో తనకంటూ ప్రత్యేక స్థానం దక్కించుకున్నాడు సుడిగాలి సుధీర్. ఇతనికి ఫ్యాన్ ఫాలోయింగ్ కూడా ఓ రేంజ్లో ఉంది. కమెడియన్గానే కాకుండా.. పలు షోలకు హోస్ట్గానూ వ్యవహరించి తనదైన స్టైల్లో ఇరగదీస్తున్నాడు. ప్రస్తుతం ఎక్స్ట్రా జబర్దస్త్లో చేస్తున్నాడు. అయితే, తాజా సమాచారం ప్రకారం ఇకపై జబర్దస్త్లో సుధీర్ కనిపించడట. ఈ షోకు గుడ్బై చెప్పేసినట్లు తెలుస్తోంది.
ఏటా మల్లెమాల ప్రొడక్షన్స్ ఆర్టిస్టులతో ఒప్పందం కుదుర్చుకుంటుంది. ఈ క్రమంలోనే జబర్దస్త్లో చేస్తున్నవాళ్లు వేరే టీవీ షోల్లో చేయకూడదనే నిబంధన కూడా ఉంది. కాగా, ఈ అగ్రిమెంటును గతంలో బ్రేక్ చేసిన ముక్కు అవినాష్.. మల్లెమాలకు రూ.10 లక్షలు పరిహారం చెల్లించారు. ఈ క్రమంలోనే సుధీర్ కూడా అగ్రిమెంటు కొనసాగింపులో ఆసక్తి చూపడం లేదని సమాచారం. వరుసగా సినిమాల్లో హీరోగా, కమెడియన్గా ఛాన్స్లు వస్తున్న క్రమంలో.. షోను, సినిమాను బ్యాలెన్స్ చేయలేక అగ్రిమెంటును క్యాన్సిల్ చేసుకోనున్నట్లు తెలుస్తోంది. ప్రస్తుతం ఈ విషయం నెట్టింట తెగ వైరల్ అవుతోంది. ఈ వార్తలపై సుడిగాలి సుధీర్ నుంచి గానీ, జబర్దస్త్ నిర్వహకుల నుంచి కానీ, ఎటువంటి ప్రకటన రాలేదు.