RRR: టాలీవుడ్ టాప్ మోస్ట్ దర్శకుడు రాజమౌళి ప్రతిష్టాత్మకంగా తెరకెక్కిస్తోన్న సినిమా ఆర్ర్ఆర్ఆర్. దేశవ్యాప్తంగా ఈ సినిమా కోసం ఆసక్తిగా ఎదురుచూస్తున్నారు. రామ్చరణ్, తారక్ హీరోలుగా వస్తోన్న ఈ సినిమాను డివివి దానయ్య నిర్మించారు. ఇప్పటికే షూటింగ్ పూర్తి చేసుకున్న ఈ సినిమా.. జనవరి 7న ప్రేక్షకుల ముందుకు వచ్చేందుకు సిద్ధమైంది. ఈ క్రమంలోనే ప్రమోషన్స్ను భారీగా ప్లాన్ చేశారు రాజమౌళి.
కాగా, ఇటీవలే విడుదలైన ట్రైలర్తో సినిమాపై అంచనాలు ఎక్కడికో వెళ్లిపోయాయి. కాగా, ఇటీవలే గోండు బెబ్బులి కొమురం భీమ్ త్యాగాన్ని వివరిస్తూ.. కొమురం భీముడో పాటను ఆర్ఆర్ఆర్ టీమ్ రిలీజ్ చేసిన సంగతి అందిరకీ తెలిసిందే. ఈ పాట వింటున్న ప్రతి ఒక్కరూ భావోద్వేగానికి లోనయ్యారు. అందుకు ప్రధాన కారణం లిరిక్స్.
NTR
సుద్దాల అశోక్ తేజ రచించిన ఈ లిరిక్స్ వెనకున్న కథను వివరిస్తూ.. ఓ మీడియాలో పలు ఆసక్తికర విషయాలు పంచుకున్నారు. కొమురం భీమ్ని బ్రిటిష్ వాళ్లు చిత్రహింసలు పెడుతున్నప్పుడు.. తనకు తాను ధైర్యం చెప్పుకుంటూ ఈ పాట వస్తుంది. ఈ పాట రాసేముందు కొమురంభీమ్ ధైర్యాన్ని, అడవి వీరుల వారసత్వాన్ని, ఆయన తెగింపును, ఓవరాల్గా ఆయన జీవితాన్ని పదాల రూపంలో రాసే ప్రయత్నం చేశా.. అంటూ సుద్దాల చెప్పుకొచ్చారు. ఈ పాట విడుదలైన కొన్ని గంటల్లోనే మిలియన్ల వ్యూస్కు చేరుకుంది. ప్రస్తుతం ఆర్ఆర్ఆర్ ప్రమోషన్స్లో ఫుల్ బిజిగా ఉన్నారు టీమ్. త్వరలోనే తెలుగులోనూ ప్రీ రిలీజ్ ఈవెంట్ను నిర్వహించనున్నారు.