Pushpa: అల్లు అర్జున్, రష్మిక జంటగా వచ్చిన సినిమా పుష్ప. ఈ సినిమా డిసెంబరు 17న విడుదలై.. తొలిరోజే బాక్సాఫీసు వద్ద కలెక్షన్ల వర్షం కురిపించింది. ఐదు భాషల్లో విడుదలవ్వగా.. అన్నింటిలోనూ భారీ వసూళ్లు రాబడుతోంది. సుకుమార్ దర్శకత్వంలో వచ్చిన సినిమా కావండంతో భారీ అంచనాలు నెలకొన్నాయి. అయితే, పలు చోట్ల మిశ్రమ స్పందన లభిస్తున్నప్పటికీ.. ఓవరాల్గా ఎక్సైటింగ్ ఉన్నట్లు తెలుస్తోంది.
అయితే, ఈ క్రమంలోనే ఈ సినిమాలో పని చేసిన నటులతో పాటు దర్శకుడు సుకుమార్ ఎంత రెమ్యునరేషన్ తీసుకున్నాడన్న విషయంపై నెటిజన్లు ఆరాదీస్తున్నారు. తాజాగా, సోషల్మీడియాలో అందుతున్న సమాచారం ప్రకారం.. అల్లు అర్జున్ ఈ సినిమాలో భారీగా రెమ్యునరేషన్ తీసుకున్నట్లు తెలుస్తోంది. స్టైలిస్ట్ స్టార్ ఈ సినిమా కోసం 50 కోట్లు పారితోషకం పుచ్చుకున్నట్లు సమచారం. రష్మిక అయితే, 8 నుంచి 10 కోట్లు తీసుకున్నట్లు తెలుస్తోంది. ఇక పుష్పలో విలన్గా నటించిన మలయాళ నటుడు ఫహద్ ఫాజిల్ 3.5 కోట్లు స్వీకరించారట.
సంగీత దర్శకుడు దేవిశ్రీ కూడా ఇదే ధరను పుచ్చుకున్నట్లు సమాచారం. ఇక సుకుమార్ అయితే ఏకంగా 25 కోట్లు తీసుకోగా.. స్పెషల్ సాంగ్లో కనిపించిన సమంత, రూత్ ప్రబు 1.5 కోట్లు అందుకున్నట్లు సమాచారం. ఇక చిన్న పాత్రలో కనిపించినా.. అందర్నీ ఆకట్టుకున్న అనసూయ ఒక రోజు షూటింగ్లో అడుగుపెట్టినందుకు 1.5 నుంచి 2లక్షలు తీసుకున్నట్లు టాక్. ప్రస్తుతం సోషల్మీడియాలో ఈ రేట్లే చక్కర్లు కొడుతున్నాయి. ఇండస్ట్రీలోనూ దీని గురించే హాట్హాట్గా మాట్లాడుకుంటున్నారు.
