SPY Collections
SPY Collections: ‘కార్తికేయ 2’ చిత్రం తో పాన్ ఇండియా రేంజ్ లో బాక్స్ ఆఫీస్ కలెక్షన్స్ ని కొల్లగొట్టిన యంగ్ హీరో నిఖిల్, మళ్ళీ అదే రేంజ్ స్కేల్ తో ‘స్పై’ అనే చిత్రం ద్వారా మన ముందుకు వచ్చాడు. విడుదలకు ముందే టీజర్ మరియు ట్రైలర్ తో భారీ అంచనాలను ఏర్పాటు చేసిన ఈ చిత్రం, విడుదల తర్వాత మాత్రం మొదటి ఆట నుండే నెగటివ్ టాక్ ని సొంతం చేసుకుంది.
సినిమా ఆశించిన స్థాయిలో లేదని, చాలా రొటీన్ థ్రిల్లర్ జానర్ చిత్రం అనే టాక్ ని మూటగట్టుకుంది ఈ సినిమా . కానీ భారీ అంచనాలు ఉన్న సినిమా కాబట్టి మొదటి రోజు మంచి ఓపెనింగ్ వసూళ్లు వచ్చాయి. కానీ రెండవ రోజు నుండి ప్రతీ రోజు వసూళ్లు ముందు రోజుతో పోలిస్తే 70 శాతం కి పైగా తగ్గిపోతూ వస్తూ, ఇప్పుడు షేర్స్ రావడమే గగనం అయిపోయింది.
ఈ చిత్రం ప్రీ రిలీజ్ బిజినెస్ 17 కోట్ల రూపాయలకు జరిగింది, మరి వారం రోజులు పూర్తి చేసుకున్న ఈ చిత్రం ఎంత వసూళ్లను రాబట్టిందో ఒకసారి చూద్దాం. మొదటి రోజు ఈ చిత్రానికి రెండు తెలుగు రాష్ట్రాల నుండి నాలుగు కోట్ల 21 లక్షల రూపాయిల షేర్ వసూళ్లు వచ్చాయి, కానీ రెండవ రోజు మాత్రం కేవలం కోటి 40 లక్షల రూపాయిల షేర్ వసూళ్లు వచ్చాయి. ఆ తర్వాత మూడవ రోజు 81 లక్షలు, నాల్గవ రోజు 67 లక్షలు, 5 వ రోజు 17 లక్షలు , ఆరవ రోజు 8 లక్షలు మరియు 7 వ రోజు మూడు లక్షల రూపాయిల షేర్ వసూళ్లు వచ్చాయి.
అలా మొత్తం మీద వారం రోజులకు గాను ప్రపంచవ్యాప్తంగా ఓవర్సీస్ తో కూడా కలిపి 11 కోట్ల రూపాయిల షేర్ వసూళ్ళను రాబట్టింది. అంటే కమర్షియల్ గా ఈ చిత్రం యావరేజి రేంజ్ దగ్గర ఆగింది అన్నమాట, ఫుల్ రన్ లో ఇక షేర్స్ వచ్చే సూచన లేకపోవడం ఇక క్లోసింగ్ కలెక్షన్స్ వేసేయమంటున్నారు బయ్యర్స్.