Pushpa: కరోనా కారణంగా వచ్చిన గ్యాప్ వల్లనో.. లేక వరుసగా అవకాశాలు రావడం వల్లనో తెలియదు కానీ, బాక్సాఫీసు వద్ద డిసెంబరు, జనవరి నెలల్లో గట్టిపోటీ తప్పడం లేదు. వరుసగా స్టార్ హీరోల సినిమాలతో పాటు, చిన్న సినిమాలూ రంగంలో దిగనున్నాయి. ఈ క్రమంలోనే సినిమా వార్ వల్ల సమస్యలను ఎదుర్కోవాల్సి రావడం వల్ల నిర్మాతలంతా సమావేశమై చిత్రాల విడుదలపై చర్చలు జరుపుతున్నారు. ప్రధానంగా జనవరిలో విడుదలయ్యే చిత్రాల విషయంలో ఈ చర్చలు జరిగినట్లు తెలుస్తోంది. కాగా, పుష్పరాజ్ను ఢీ కొట్టేందుకు హాలీవుడ్ హీరో సిద్ధమయ్యారు.
డిసెంబరు 17న పుష్ప సినిమా విడుదలకు సిద్ధం కాగా.. అదే రోజు మోస్ట్ అవైటెడ్ సూపర్ హీరో మూవీ స్పైడర్ మ్యాన్ కూడా బరిలోకి దిగనున్నారు. తాజాగా, “స్పైడర్ మ్యాన్ నో వే హోమ్” కొత్త ట్రైలర్ విడుదలైంది. ఇందులో సినిమా విడుదల తేదీని కూడా ప్రకటించారు మేకర్స్. ప్రపంచ వ్యాప్తంగా అన్ని ప్రధాన భాషల్లో డిసెంబరు 17న ఈ సినిమా విడుదల కానుంది. అదే రోజు పాన్ఇండియా స్థాయిలో తెరకెక్కుతోన్న పుష్ప కూడా భారతీయ ప్రధాన భాషల్లో విడుదల కానుంది. స్పైడర్ మ్యాన్కు ప్రపంచవ్యాప్తంగా ఉన్న క్రేజ్ ప్రత్యేకంగా చెప్పనక్కర్లేదు. మరోవైపు, అల్లు అర్జున్ పుష్ప సినిమాపైనా అదే రేంజ్లో అంచనాలు నెలకొన్నాయి. ఈ క్రమంలోనే బాక్సాఫీసు వద్ద పుష్పకు గట్టిపోటీ నెలకొందనే చెప్పాలి.
సుకుమార్ దర్శకత్వంలో తెరకెక్కుతోన్న ఈ సినిమా.. ఇప్పటికే షూటింగ్ పూర్తి చేసుకుని.. విడుదలకు సిద్ధమవుతోంది. కాగా, ఇందులో రష్మిక హీరోయిన్గా నటించనుంది. కాగా, దేవి శ్రీ ప్రసాద్ సంగీతం అందిస్తున్నారు.
