Dubai: ఒక కథ సిద్ధమైన తర్వాత చిత్రీకరణ మొదలు ప్రమోషన్స్తో పాటు విడుదలయ్యే వరకు డైరెక్టర్స్, హీరోలకు అసలు నిద్ర పట్టదు. ఆ తర్వాత కూడా ఎంతమేర విజయం సాధిస్తుందో అన్న భయాలు ఉంటాయి. అయితే, ఏ సినిమా విజయంలోనైనా కీలక పాత్ర పోషించేది ప్రమోషన్స్. ప్రస్తుతం సౌత్స్టార్స్ ఈ పల్స్ పట్టేసినట్లు కనిపిస్తంది. ఇందుకు వేదికగా దుబాయ్ను ఎంచుకుంటున్నారు.
బాహుబలి, కేజీఎఫ్, వంటి సినిమాలతో టాలీవుడ్తో పాటు దక్షిణాది సినిమాల రేంజ్ వేరే లెవెల్కు పెరిగిపోయింది. ఈ క్రమంలోనే దేశవ్యాప్తంగా ఉన్న అభిమానుల అభిరుచులకు తగ్గట్లుగా మంచి కంటెంట్ ఉన్న సినిమాలతో దర్శక నిర్మాతలు ముందుకొస్తున్నారు. నిర్మాతలు కూడా బడ్జెట్ విషయంలో అసలు తగ్గట్లేదు. ఈ క్రమంలోనే అంతర్జాతీయంగా ఉన్న ప్రేక్షకుల దృష్టిని ఆకర్షించేందుకు ప్రమోషన్స్ను అదే రేంజ్లోచేస్తున్నారు. ఇందుకోసం దుబాయ్ను కేంద్రంగా ఎంచుకుంటున్నారు సౌత్ స్టార్లు. గతంలో హిందీ సినిమాలు మాత్రమే ప్రమోషన్ల కోసం ఈ ప్రాంతాన్ని ఎంచుకునేవి. కాగా, ఇప్పుడు దక్షిణాది సినిమాలూ అదే ఫాలో అవుతున్నాయి. సౌత్ నుంచి ముందుగా ‘రోబో’ చిత్రానికి సంబంధించిన ప్రమోషన్ కార్యక్రమం దుబాయ్లో జరిగింది.
ప్రస్తుతం పాన్ ఇండియా లెవెల్లో తెరకెక్కుతోన్న సినిమాలన్నీ దుబాయ్ల ప్రమోషన్ కార్యక్రమాలు జరిపేందుకు సన్నాహాలు చేసుకుంటున్నాయి. తాజాగా, దుల్కర్ సల్మాన్ నటించిన కురుప్, ట్రైలర్ను బుర్జ్ దుబాయ్లో ప్రదర్శించారు. మరోవైపు ఆర్ఆర్ఆర్ సినిమా ప్రమోషన్ల్కు సంబంధించిన కార్యక్రమం కూడా దుబాయ్లోనే జరగనుంది. ఇక పుష్ప కూడా ఇదే ట్రెండ్ను ఫాలో కానుంది. ఈ క్రమంలోనే సౌత్ స్టార్లంతా పాన్ ఇండియా స్థాయిలో ఎదిగేందుకు చూస్తున్నట్లు తెలుస్తోంది.
