ప్ర‌ముఖ న‌టుడు శివాజీ రాజా త‌న‌యుడు విజయ్ రాజా, తమన్నా వ్యాస్ హీరో హీరోయిన్లుగా న‌టిస్తున్న చిత్రం `వేయి శుభములు కలుగు నీకు..`. జామి లక్ష్మీ ప్రసన్న సమర్పణలో జయ దుర్గాదేవి మల్టీ మీడియా పతాకం పై తూము నరసింహా పటేల్, జామి శ్రీనివాసరావు సంయుక్తంగా నిర్మిస్తున్నారు. రామ్స్ రాథోడ్ దర్శకత్వం వ‌హిస్తున్నారు. ఈ చిత్రానికి సంబంధించిన ఐటమ్ సాంగ్ ను తాజాగా రిలీజ్ చేశారు. ‘క‌త్తి ఖతర్నాక్’ అంటూ సాగే ఈ పాట‌ను.. శివాజీ రాజా లాంఛ్ చేశారు. ఇప్ప‌టికే విడుద‌లైన ఈ చిత్రంలోని తొలి పాటకు మంచి ప్రేక్ష‌కాద‌ర‌ణ ల‌భించింది. ఈ రెండో మాస్ మ‌సాలా సాంగ్ సైతం యూట్యూబ్ లో దుమ్ము లేపుతోంది.
ఈ సంద‌ర్భంగా శివాజీ రాజా మాట్లాడుతూ.. సినిమాకున్న పాజిటివ్ టైటిల్ మాదిరిగానే.. సినిమా నిర్మాణం కూడా పాజిటివ్ గానే జరుగుతోందని అన్నారు. తన కెరీర్లో ఎంతో మంది నిర్మాత‌ల‌ను చూశానని, ఈ చిత్ర నిర్మాలు మాత్రం మ‌న‌సు పెట్టి సినిమా తీశారని అన్నారు. సినిమాలో పాటలు, ఫైట్స్ చాలా బాగున్నాయన్న శివాజీ రాజా.. ఈ ఐటమ్ సాంగ్ లో ఫాల్గుణి, విజయ్ రాజా అద్భుతంగా న‌ర్తించారని అన్నారు. తాను కూడా ఈ సినిమాలో మంచి పాత్ర చేశానని అన్నారు.
హీరో విజయ్ రాజా మాట్లాడుతూ.. ఈ ఐటమ్ సాంగ్ కు మంచి రెస్పాన్స్ వ‌స్తోందని చెప్పారు. నిర్మాత‌లు ఎంతో క‌ష్ట‌ప‌డి, ఎక్క‌డా రాజీ ప‌డ‌కుండా సినిమా తీశారని అన్నారు. ఇక దర్శకుడు రామ్స్ రాథోడ్ ఎంతో హార్డ్ వ‌ర్క్ చేశారు ప్ర‌శంస‌లు కురిపించారు. డాన్సర్ ఫాల్గుణి తో పాట చేయ‌డం హ్యాపీగా ఉందని, గ్యానీ సూప‌ర్బ్ మ్యూజిక్ ఇచ్చారని అన్నారు.
నిర్మాత తూము నరసింహ పటేల్ మాట్లాడుతూ.. త‌మ చిత్రానికి అద్భుతమైన టెక్నీషియ‌న్స్ పని చేశార‌ని చెప్పారు. ముఖ్యంగా సంగీత దర్శకుడు గ్యాని ఇచ్చిన పాటలు సినిమాకు హైలెట్ అవుతాయ‌ని అన్నారు. హీరో విజయ్ రాజా ఎంతో డెడికేటెడ్‌గా సినిమా చేస్తూ స‌పోర్ట్ ఉన్నార‌ని, శివాజీ రాజా కూడా ఎంతో అండ‌గా ఉన్నార‌ని అన్నారు. దర్శకుడు అనుకున్న దానిక‌న్నా బాగా సినిమా తీశారని, ప్రేక్ష‌కులు త‌మ చిత్రాన్నిఆద‌రిస్తార‌నే న‌మ్మ‌కం ఉందని అన్నారు.
న‌టి ఫాల్గుణి మాట్లాడుతూ.. ‘విజయ్ రాజాతో సాంగ్ చేయ‌డం చాలా హ్య‌పీగా ఉందని, ఈ అవ‌కాశం క‌ల్పించిన ద‌ర్శ‌క నిర్మాత‌ల‌కు ధ‌న్య‌వాదాలు తెలుపుతున్నానని అన్నారు. గ్యాని మంచి బీట్స్ తో సాంగ్స్ ఇచ్చారని అన్నారు. మరో నిర్మాత జామి శ్రీనివాస రావు మాట్లాడుతూ.. విజయ్ రాజా చాలా బాగా న‌టించారని చెప్పారు. సినిమా చాలా బాగా వ‌చ్చిందని, ఫ్యామిలీ అంతా క‌లిసి చూదగ్గ సినిమా అని అన్నారు. పాట‌ల ర‌చ‌యిత రాంబాబు గోసాల మాట్లాడుతూ.. ఇప్ప‌టి వ‌ర‌కు ల‌వ్ సాంగ్స్ రాశానని, ఈ సినిమాలో తొలిసారిగా మాస్ సాంగ్ రాశాని చెప్పారు.
దర్శకుడు రామ్స్ రాథోడ్ మాట్లాడుతూ… త‌మ చిత్రానికి సంగీత దర్శకుడు గ్యాని సింగ్ మంచి పాటలు అందించారని మెచ్చుకున్నారు. ఇప్ప‌టికే విడుద‌లైన పాట‌ల‌కు మిలియ‌న్ కు పైగా వ్యూస్ ల‌భించాయని, క‌త్తి ఖతర్నాక్ సాంగ్ కి కూడా రెస్పాన్స్ బాగుంద‌ని చెప్పారు. హీరో విజయ్ రాజా ఎంతో డెడికేటెడ్‌గా పని చేశార‌ని, సాంగ్స్ , ఫైట్స్ ఇర‌గ‌దీశారని చెప్పారు. నిర్మాత‌లు ఎక్క‌డా రాజీ ప‌డ‌కుండా సినిమా నిర్మిస్తున్నారని, శివాజీ రాజా ప్రోత్సాహం మ‌రువ‌లేనిదని అన్నారు.
ఈ సాంగ్ లాంఛ్ కార్య‌క్ర‌మంలో.. సత్యం రాజేష్, జ్ఞాన ప్రియా, వెంకట్ నారాయణ, సన, అనంత్, షాయాజి షిండే, శ్రీకాంత్ అయంగార్, రోహిణి, జబర్దస్త్ అప్ప రావు, జబర్దస్త్ మురళి, రేసింగ్ రాజు, కోట యశ్వంత్ తదితరులు పాల్గొన్నారు.