Saptagiri: ప్రముఖ కమెడియన్ సప్తగిరి పేరు వినగానే నవ్వులు పువ్వులై పూస్తాయి. ఏ సినిమాలోనైనా అతని కామెడీ టైమింగ్ అలా ఉంటుంది. అల్లు అర్జున్ హీరోగా నటించిన పరుగు సినిమాతో ఇండస్ట్రీలోకి అడుగుపెట్టిన సప్తగిరి.. ఆతర్వాత వరుసగా అనేక చిత్రాల్లో కమెడియన్గా అవకాశాలు దక్కించుకుని తనకంటూ ప్రత్యేక గుర్తింపు తెచ్చుకున్నారు. ప్రేమకథా చిత్రం సినిమా అతని కెరీర్కు మంచి మలుపనే చెప్పాలి.
ఆ తర్వాత హీరోగానూ తన అదృష్టాన్ని పరీక్షించుకున్నారు సప్తగిరి. ఈ క్రమంలోనే ఓ వైపు కమెడియిన్గా నటిస్తూనే.. మరోవైపు హీరోగా సినిమాలు చేస్తూ ప్రేక్షకులను అలరిస్తున్నారు. తాజాగా, సప్తగిరి హీరోగా నటిస్తోన్న సినిమా గూడుపుఠాణి. గతంలో సూపర్ స్టార్ కృష్ణ ఇదేే పేరుతో ఓ సూపర్ హిట్ మూవీ తెరకెక్కించారు. తాజాగా ఇదే టైటిల్తో సప్తగిరి సినిమా తీస్తున్నారు. ఇందులో హీరోయిన్గా నేహా సోలంకి కనిపించనుంది.
కే.ఎం. కుమార్ దర్శకత్వంలో శ్రీనివాస్ రెడ్డి, రమేశ్ యాదవ్ నిర్మించిన ఈ సినిమా డిసెంబరు 25న విడుదల కానుంది. ఈ సినిమాలో ప్రముఖ గాయకుడు, దర్శకుడు రఘు కుంటె విలన్గా నటించారు. ఓ గుడిలో బంధీలైన హీరోహీరోయిన్లు అందులోంచి ఎలా బయటపడ్డారు?.. వారిన గుడిలో బంధించాల్సిన అవసరం ఎవరకొచ్చింది. అనే అంశంతో ఈ సినిమా తెరకెక్కింది. యాక్షన్ థ్రిల్లర్గా తెరకెక్కిన ఈ సినిమా కచ్చితంగా ప్రేక్షకులను అలరిస్తుందని దర్శకుడు కుమార్ తెలిపారు.