samantha: కళ్లు మూసి తెరిచే లోపే 2021 ముగింపుకు వచ్చేసింది. ఈ కరోనా ఎఫెక్ట్తో అసలు రోజులు నెలలు తెలియకుండానే గడిచిపోతున్నాయి. ఈ క్రమంలోనే ప్రతి ఒక్కరూ ఈ సంవత్సరంలో జరిగిన ఘటనలన్నీ ఒక్కసారిగా నెమరువెసుకుంటుంటారు. కాగా, సినీ ప్రేక్షకులు కూడా ఈ ఏడాదిలో జరిగిన కొన్ని అద్భుతాలను గుర్తు చేసుకుంటున్నారు. ఈ క్రమంలోనే యూట్యూబ్లో ఈ ఏడాది 100 పాపులర్ సాంగ్ లిస్ట్ను విడుదల చేసింది. అయితే, ఇందులో సౌత్ స్టార్ హిరోయిన్ సాంగ్ మొదటి స్థానంలో ఉంది.
ఇటీవలే స్టైలిస్ట్ స్టార్ అల్లు అర్జున్ హీరోగా, సుకుమార్ దర్శకత్వంలో తెరకెక్కిన సినిమా పుష్ప. ఇందులో ఓ ఐటెం సాంగ్లో సమంత నటించిన సంగతి తెలిసిందే. ఊ అంటావా మావ.. ఊఊ ఆంటావా మావ అంటూ సాగే ఈ పాటకు సమంత ఇచ్చిన హాట్ లూక్స్.. వేసిన క్యూట్ స్టెప్పులు ప్రేక్షకులను ఎంతగానో అలరించాయి.
Also Read: Jr Ntr: ఎన్టీఆర్-కొరటాల కాంబో సినిమాలో హీరోయిన్గా సామ్?
ఈ క్రమంలోనే విడుదలైన కొన్ని గంటల్లోనే ట్రెండింగ్లో దూసుకెళ్లిన సంగతి తెలిసిందే. కాగా, పుష్ప ఆల్బమ్లోని శ్రీవల్ల సాంగ్ 22వ స్థానంలో ఉండగా.. సామీ సామీ(తమిళం)25వ స్థానం, ఊ అంటావా(హిందీ)42వ స్థానంలో నిలిచి అంతా పుష్ప జాతరగా మార్చేసింది. ఇలా మొత్తానికి ఈ ఏడాది యూట్యూబ్ స్టార్గా పుష్ప నిలిచాడని చెప్పచ్చు. ఈ సూపర్హిట్ ఆల్బమ్కు దేవిశ్రీ ప్రసాద్ సంగీతం అందించారు. సమంత తన కెరీర్లో నటించిన తొలి ఐటెం సాంగ్ ఇందే. మొదట్లో ఈ సాంగ్కు నటించేందుకు సామ్ ఒప్పుకోలేదట.. ఆ తర్వాత సుకుమార్ దగ్గరుండి వివరించి మరి ఒప్పించారట. అలా ఈ అద్భుతాన్ని ప్రజల్లోకి తీసుకొచ్చారు సామ్. ఈ పాట పలు సందర్భాల్లో వివాదాస్పదమైనప్పటికీ.. ప్రేక్షకులు మాత్రం బాగా ఎంజాయ్ చేస్తున్నారు.
Also Read: OTT Round Up: ఈ వారం ‘ఓటీటీ’ చిత్రాల పరిస్థితేంటి ?
