Jr Ntr: ప్రస్తుతం ఎన్టీఆర్ ఆర్ఆర్ఆర్ పనుల్లో ఫుల్ బిజీగా ఉన్నారు. ఈ సినిమా విడుదలవ్వడానికి ఇంకొన్ని రోజులు మాత్రమే మిగిలున్నాయి. ఇందులో కోమురం భీమ్గా కనిపించనున్నారు తారక్. ఈ సినిమా తర్వాత ప్రముఖ దర్శకుడు కొరటాల శవతో కలిసి సినిమా రూపొందించనున్నారు. ప్రస్తుతం కొరటాల ఆచార్య సినిమా పనుల్లో ఉన్న సంగతి తెలిసిందే. మరోవైపు ఎన్టీఆర్ ఆర్ఆర్ఆర్ ప్రమోషన్స్లో ఫుల్ బిజీగా ఉన్నారు. ఈ పనులన్నీ పూర్తయ్యాక.. వీరిద్దరి కాంబోలో సినిమా షూటింగ్ కోసం సన్నాహాలు చేస్తున్నట్లు తెలుస్తోంది. ఇప్పటికే ప్రీ ప్రొడక్షన్ పనులు శరవేగంగా జరుగుతున్నాయి.
ఈ క్రమంలోనే ఈ సనిమాలో హీరోయిన్ ఎవరన్నదానిపై ఇండస్ట్రీలో చర్చ నడుస్తోంది. గతంలో ఈ సినిమాలో కొరటాల బాలీవుడ్ హీరోయిన్ను ఖరారు చేసినట్లు వార్తలు వినిపించాయి. కాగా, ఇప్పుడు టాలీవుడ్ స్టార్ హీరోయిన్ సమంత పేరు వినిపిస్తోంది. ఈ సినిమాలో సమంతకు భారీ రెమ్యూనరేషన్ ఇవ్వనున్నట్లు తెలుస్తోంది. అయితే, ఈ విషయంపై చిత్రబృందం నుంచి అధికారిక ప్రకటన వెలువడాల్సి ఉంది. ఇందులో సమంత మునుపెన్నడూ కనిపించని డిఫరెంట్ పాత్రలో కనిపించనున్నట్లు సమాచారం. మరి ఇందులో వాస్తవమెంతో తెలియాలంటే అధికారిక ప్రకటన వచ్చే వరకు వేచి చూడాల్సిందే.
ఈ సినిమాను సంక్రాంతి తర్వాత హైదరాబాద్లో లాంఛనంగా పూజాకార్యక్రమాలతో షూటింగ్ ప్రారంభించేందుకు నిర్మాతలు ప్లాన్ చేస్తున్నట్లు సమాచారం. గతంలో వీరిద్దరి కాంబోలో వచ్చిన జనతా గ్యారేజ్ సూపర్ హిట్ అవ్వడంతో.. ఈ సినిమాపై భారీ అంచనాలు నెలకొన్నాయి.
