Naga Shaurya Lakshya: ప్రాచీన క్రీడా నేపథ్యంలో నాగశౌర్య కథానాయకుడిగా వచ్చిన సినిమా ‘లక్ష్య’. నాగశౌర్య సరసన కేతిక శర్మ హీరోయిన్ గా నటించింది. ఈ సినిమాకి సంతోష్ జాగర్లపూడి దర్శకత్వం వహించాడు. నార్త్ స్టార్ ఎంటర్టైన్మెంట్స్‌లో శరత్ మరార్ ఈ సినిమాని నిర్మించారు. ఐతే, మంచి అంచనాలతో థియేట‌ర్ల‌లోకి వచ్చిన ఈ సినిమా ఆశించిన స్థాయిలో ఆకట్టుకోలేకపోయింది.
Naga Shaurya Lakshya
దీంతో నాలుగు వారాల‌కే ఓటీటీలో రిలీజ్ అయ్యేందుకు ఈ సినిమా రెడీ అయ్యింది. తెలుగు ఓటీటీ ప్లాట్‌ఫామ్ ‘ఆహా’లో జనవరి 7 నుంచి ఈ సినిమా స్ట్రీమింగ్ కాబోతుంది. ఈ మేరకు చిత్రబృందం అధికారికంగా ఒక పోస్టర్ ను రిలీజ్ చేసింది. కాల భైరవ సంగీతం అందించిన ఈ చిత్రం ఇప్పుడు డిజిటల్ ప్రీమియర్ గా అయినా మరి ప్రేక్షకులను అలరిస్తోందా ? చూడాలి.
Also Read:<Jr Ntr: ఎన్టీఆర్-కొరటాల కాంబో సినిమాలో హీరోయిన్గా సామ్?
అయితే, జనవరి 7వ తేదీన ఆర్ఆర్ఆర్ సినిమా రిలీజ్ ఉంది. మరి అదే రోజు లక్ష్య చిత్రం ఆహా వీడియో లో ప్రసారం కాబోతుంది. ఒకపక్క ఆర్ఆర్ఆర్ సినిమా రిలీజ్ అవుతుంటే.. అసలు లక్ష్యను ఇక ఎవరు చూస్తారు ? మరి ఏ ధైర్యంతో నిర్మాతలు ఈ చిత్రాన్ని జనవరి 7వ తేదీన రిలీజ్ చేయడానికి పూనుకున్నారు. ఓటీటీలోనైనా రిలీజ్ సమయం కీలకం.
అసలుకే ఓటీటీలో ఇప్పుడు పోటీ ఎక్కువ అయింది. ఈ నేపథ్యంలో ఇలా ఆర్ఆర్ఆర్ లాంటి జాతీయ సినిమా పైకి పోటీకి పోతే నిలబడటం కష్టం. మరి రిలీజ్ డేట్ విషయంలో మార్పులు ఏమైనా చేస్తారేమో చూడాలి. ఇక ఈ సినిమా విషయానికి వస్తే.. భిన్నమైన స్పోర్ట్స్ అండ్ ఎమోషనల్ డ్రామాగా ఈ సినిమా వచ్చింది.
మంచి ఎమోషనల్ గా సాగుతూ బాగానే ఎంటర్టైన్ చేస్తోంది. గ్రిప్పింగ్ నరేషన్ , కథలోని సహజత్వం వంటి అంశాలు బాగున్నాయి. కానీ, అన్ని వర్గాల ప్రేక్షకులను ఆకట్టుకోవడంలో ఈ సినిమా పూర్తిగా విఫలం అయింది. ఇక ఈ చిత్రం లో జగపతి బాబు, సచిన్ ఖేదేకర్ లు కీలక పాత్రల్లో నటించారు. డిజిటల్ ప్రీమియర్ గా వస్తున్న ఈ చిత్రం ఎలాంటి రెస్పాన్స్ రాబడుతుందో చూడాలి.
